0
0
အပစ်အခတ်ယာယီရပ်စဲထားသော်လည်း စစ်တပ် ထိုးစစ်ဆင်တိုက်ခိုက်မှုကြောင့် တိုက်ပွဲဖြစ်ပြီး စစ်ကောင်စီတပ်သားများထံမှ လက်နက်ခဲယမ်းများ သိမ်းဆည်းရရှိ
D Day News
ဇူလိုင်လ ၁၆
ရှမ်းပြည်မြောက်ပိုင်း၊ တအာင်းတပ်မတော်အနေဖြင့် ယာယီအပစ်အခတ်ရပ်စဲထားသော်လည်း အကြမ်းဖက်စစ်ကောင်စီတပ်က ထိုးစစ်ဆင်တိုက်ခိုက်လာမှုကြောင့် တိုက်ပွဲဖြစ်ပြီး စစ်ကောင်စီ တပ်သာများထံမှ လက်နက်ခဲယမ်းများ သိမ်းဆည်းရရှိခဲ့ကြောင်း TNLA သတင်းနှင့်ပြန်ကြားရေး ဌာနထံက သိရသည်။
ယနေ့ ဇူလိုင်လ ၁၆ ရက် ၁၀၂၇ စစ်ဆင်ရေး အပိုင်း ၂ ၊ ၂၂ ရက်မြောက်နေ့တွင် မိုးမိတ်မြို့ရှိ အကြမ်း ဖက်စစ်ကောင်စီ၏ စကခ ၂၁ ၊ ခလရ ၂၇၆ တပ်ဖွဲ့ဝင်များသည် စစ်ကူဖြည့်တင်းပြီ ထိုးစစ်ဆင်လာ သဖြင့် တောင်ကိုင်းရွာ အနီးတဝိုက်၌ တိုက်ပွဲဖြစ်ခဲ့ရာ စစ်ကောင်စီထံ လက်နက် ၁၁ လက်၊ 60 MM ၁ လက်၊ ခဲယမ်းများနှင့် စစ်သုံးဆောင်ပစ္စည်းများ သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်မှုကို တအာင်းတပ်မတော် TNLA ၊ PLA PDF ပူးပေါင်းတပ်ဖွဲ့တို့ပူးပေါင်းကာ တိုက် ခိုက်ခဲ့ခြင်းဖြစ်ကြောင်း၊ တိုက်ပွဲဖြစ်ပွားနေရာသို့ စစ်ကောင်စီတပ်မှ ဒရုန်းဖြင့် ၃ ကြိမ်ဗုံးကြဲတိုက်ခိုက် ခဲ့ကြောင်း သိရသည်။
အလားတူ ယနေ့ ဇူလိုင်လ ၁၆ ရက် နံနက် ၉ နာရီ ၂၅ မိနစ်တွင် တပ်မဟာ(၂)နယ်မြေ၊ နောင်ချိုမြို့ နယ် ကန်ကြီးရွာနှင့် သရက်ကုန်းအနီးတဝိုက်သို့ ထိုးစစ်ဆင်လာသော စစ်ကောင်စီတပ်နှင့် တအာင်း တပ်မတော် TNLA တို့ကြား တိုက်ပွဲဖြစ်ပွားခဲ့ကြောင်း သိရသည်။
ထို့ပြင် ယမန်နေ့ ဇူလိုင်လ ၁၅ ရက် ည ၉ နာရီ ၁၅ မိနစ် အချိန်တွင် နောင်ချိုမြို့နယ် ဘန့်ဘွေးရွာနှင့် ရေဝင်တွင် တပ်စွဲထားသည့် စစ်ကောင်စီတပ်မှ သဲခေါ်ရွာအနီးရှိ PSLF/TNLA တပ်စခန်းအား ဒရုန်း ဖြင့် ၂ ကြိမ်၊ လက်နက်ကြီးဖြင့် ၃ ကြိမ် တစ်ဖက်သတ် ပစ်ခတ်ဗုံးကြဲ တိုက်ခိုက်ခဲ့ကြောင်း သိရသည်။
မိုးကုတ်မြို့နယ်တွင်လည်း စစ်ကောင်စီတပ်စွဲထားသည့် မိုးကုတ်ဗျူဟာကုန်းမှတဆင့် ရေအေးရပ် ကွက်နှင့် ပန်းမရွာသို့ ယမန်နေ့ ဇူလိုင်လ ၁၅ ရက် ည ၈ နာရီ ၅၆ မိနစ် အချိန်တွင် လက်နက်ကြီးဖြင့် စုစုပေါင်း ၆ ကြိမ် ပစ်ခတ်တိုက်ခိုက်ခဲ့ရာ ပြည်သူ ၂ ဦးသေဆုံးပြီး ၄ ဦးထိခိုက်ဒဏ်ရာရရှိခဲ့ကြောင်း သိရသည်။
D Day News
