0
0
ရေစကြို ခလရ ၂၅၇ တပ်ရင်းမှ ထွက်လာသည့် ရိက္ခာပို့ကားတစ်စီးကို ဖမ်းမိ
D Day News
ဇူလိုင်လ ၁၄
မကွေးတိုင်း၊ ရေစကြိုမြို့ ခလရ ၂၅၇ တပ်ရင်းမှ ထွက်လာသည့် ရိက္ခာပို့ကား တစ်စီးကို ဖမ်းဆီးရရှိခဲ့ ကြောင်း ရေစကြိုမြို့နယ်ပြည်သူ့ကာကွယ်ရေးအဖွဲ့ – ရေစကြို ပကဖ ထံမှ သိရသည်။
ယနေ့ ဇူလိုင်လ ၁၄ ရက် နံနက် ၆ နာရီ ၃၀ မိနစ်အချိန်က ရေစကြိုမြို့ ခလရ ၂၅၇ တပ်ရင်းမှ ဇီး တော ပျူစောထီးကျေးရွာစခန်းသို့ ပို့ဆောင်မည့် ရိက္ခာတင်ကားတစ်စီးကို ကြိုတင် သတင်းအရ အောင်မိုးလမ်းခွဲ အရောက် စောင့်ဆိုင်းဖမ်းဆီးခဲ့ရာ ဆန် ၂၄ အိတ်၊ ဆီပုံး ၄ လုံး၊ ဆား ၂ အိတ် ၊ ပဲ ၃ အိတ် ၊ နို့ဆီ ၅ ဖာတို့နှင့်အတူ ဖမ်းဆီးရရှိခဲ့ခြင်းဖြစ်ကြောင်း သိရသည်။
“ဖမ်းမိတဲ့သူတွေကတော့ စစ်ဆေးနေတုန်းပဲ၊ စစ်သား၊ ပျူလား၊ ပြည်သူလား မသိရသေးဘူး။ ကား ကတော့ လိုက်ထရပ်ကားနဲ့လာတာ၊ အရပ်သားကားပုံစံမျိုးလုပ်ပြီး ပို့တဲ့သဘောပါ။ ကြိုတင်သတင်း ရလို့ ဖမ်းမိခဲ့တာပါ” ဟု ရေစကြိုပကဖမှ တာဝန်ရှိသူတစ်ဦးက ပြောကြားသည်။
D Day News
