0
0
Read Time:1 Minute, 6 Second
ကဗျာ ကဏ္ဍ “သမိုင်းတွင်မည့် လူ”
ပျိုးကြဲလက်
မောင်ငယ်ရင်သွေး ၊ နာခံပေးလော့
ဟိုရှေးအခါ ၊ ဤလူ့ရွာ၌
အာဏာယစ်မူး ၊ ဘုရင်ရူးတို့
အထူးအခွင့် ခံခဲ့သည် ။
မောင်ငယ်ရင်နှစ် ၊ နာခံရစ်လော့
ရှေးနှစ်အခါ ၊ ဤလူ့ရွာ၌
ပညာယစ်မူး ၊ ကဝိရူးတို့
အထူးအခွင့် ခံခဲ့သည် ။
မောင်ငယ်သည်းချာ ၊ နာခံပါလော့
ရှေးမှာတစ်ချိန် ၊ လူ့ရွာအိမ်၌
စည်းစိမ်ယစ်မူး ၊ ဥစ္စာရူးတို့
အထူးအခွင့် ခံခဲ့သည် ။
အာဏာပညာ ၊ စည်းစိမ်မှာကား
ချိန်ခါအလျောက်၊ ထွန်းလင်းတောက်လည်း
ညှီဟောက်ဝန်းရံ ၊ ကိုယ်တည်းကျန်က
လွင့်ပျံညှိုးခြောက် ၊ သမိုင်းပျောက်၏ ။
အာဏာပညာ ၊ စည်းစိမ်ရှာ၍
သူငါနှလုံး ၊ ဆွဲယူကျုံးကာ
ပြည်လုံးချစ်ခင် ၊ သမိုင်းတွင်အောင်
အသင်မေတ္တာ များပါလေ
အသင်ကရုဏာ ထားပါလေ
အသင်မုဒိတာ ပွားပါလေ ။ ။
ပျိုးကြဲလက်
ကဗျာရေးချိန် = ၂၀၁၉ ခုနှစ်၊ ဩဂုတ်လ ၁၃ ရက် နံနက် ၁၁ နာရီ ၁၃ မိနစ်
D Day News
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
