0
0
မတ္တရာမြို့နယ်၊ ရေနံသာတိုးဂိတ်ကို စစ်ကြောင်းထိုးလာသော စစ်သားများကို တိုက်ခိုက်ချေမှုန်းမှု စစ်သား ၇ ဦးသေဆုံးပြီး၊ စစ်တပ်က လေကြောင်းဖြင့် ဗုံးကြဲတိုက်ခိုက်မှုကြောင့် အသက် ၅ နှစ် အ ရွယ် ကလေးတစ်ဦးသေဆုံးပြီး စာသင်ကျောင်းများ ထိခိုက်ပျက်စီး
-
စဉ့်ကူးမြို့နယ်၊ ပင်လယ်ကြီးတပ်စခန်းမှ ထွက်ပြေးသွားသည့် ဗိုလ်ကြီးတစ်ဦးအပါအဝင် စစ်သုံ့ပန်း ၄ ဦးဖမ်းမိပြီး စစ်သားအလောင်း ၂ လောင်းနှင့် ခဲယမ်းများ ထပ်မံသိမ်းဆည်းရရှိ
D Day News
ဇူလိုင်လ ၉
မန္တလေးတိုင်း၊ မတ္တရာမြို့နယ်၊ ရေနံသာတိုးဂိတ်ကို စစ်ကြောင်းထိုးလာသော စစ်သားများကို တိုက် ခိုက်ချေမှုန်းခဲ့ စစ်သား ၇ ဦးသေဆုံးပြီး စစ်တပ်က လေကြောင်းဖြင့် ဗုံးကြဲတိုက်ခိုက်မှုကြောင့် အ သက် ၅ နှစ် အ ရွယ် ကလေးတစ်ဦးသေဆုံးကာ စာသင်ကျောင်းများ ထိခိုက်ပျက်စီးခဲ့ကြောင်း မန္တလေး PDF တပ်ဖွဲ့ထံမှ သိရသည်။
၁။ ပြည်သူ့ကာကွယ်ရေးတပ်မတော် (မန္တလေး) သိမ်းပိုက်ရရှိထားသော မတ္တရာမြို့နယ်၊ ရေနံ့သာ တိုးဂိတ်သို့ စစ်ကြောင်းထိုးလာသော အကြမ်းဖက်စစ်သားများကို ချေမှုန်းတိုက်ခိုက်ခဲ့ရာ အကြမ်း ဖက်စစ်သား ၇ ဦးသေဆုံးပြီး လက်နက်ခဲယမ်းအချို့သိမ်းဆည်းရရှိခဲ့ကြောင်း သိရသည်။
ထို့အပြင် စဉ့်ကူးမြို့နယ်၊ ပင်လယ်ကြီးတပ်စခန်းမှ ထွက်ပြေးသွားသည့် အကြမ်းဖက်စစ်ကောင်စီ တပ်သားများကို လိုက်လံချေမှုန်းခဲ့ရာ ဗိုလ်ကြီး တစ်ဦးအပါအဝင် ၄ ဦးကို အရှင်ထပ်မံဖမ်းမိခဲ့ပြီး စစ်သား အလောင်း ၂ လောင်းနှင့် လက်နက်ခဲယမ်းများ ထပ်မံသိမ်းဆည်းရရှိခဲ့ကြောင်း သိရသည်။
အကြမ်းဖက်စစ်ကောင်စီသည် တိုက်ပွဲဖြစ်ပွားခြင်းမရှိသည့် မတ္တရာမြို့နယ်၊ အုတ်ဖို (ရွာသစ်) ကျေး ရွာကို ယနေ့ ဇူလိုင်လ ၉ ရက် နံနက် ၁၁ နာရီခန့်က လေကြောင်းဖြင့် ဗုံးကြဲတိုက်ခိုက်ခဲ့ရာ အသက် ၅ နှစ်အရွယ် ကလေးငယ်တစ်ဦးသေဆုံးပြီး နေအိမ် ၂ လုံးထိခိုက်ပျက်စီးခဲ့ကြောင်း သိရသည်။
အလားတူ မတ္တရာမြို့နယ်၊ သန်းကုန်းကျေးရွာကိုလည်း အကြမ်းဖက် စစ်ကောင်စီ တပ်ဖွဲ့က လေ ကြောင်းဖြင့် ဗုံးကျဲ တိုက်ခိုက်မှုပြုလုပ်ခဲ့ရာ ကျေးရွာစာသင်ကျောင်းအပါအဝင် အရပ်သားပြည်သူ နေအိမ်များ ထိခိုက်ပျက်စီးမှုများ ရှိကြောင်း မန္တလေး PDF တပ်ဖွဲ့က ထုတ်ပြန်ထားသည်။
D Day News
