0
0
ကဗျာ ကဏ္ဍ “ဆုံးမကြကွယ်ပြည့်ရန်စွယ်”
ပျိူးကြဲလက်
ဖရူဆိုမှာ ၊ စစ်ပြေးလာသည့်
ငါတို့ပြည်သူ ၊ သောကပူကို
လူလိုမတွေး ၊ ပြည့်စစ်ခွေးက
သွေးပျက်မတတ် ၊ မီးရှို့သတ်ပြီ
တတ်သိဉာဏ်ရှင် ၊ တပ်ပေါင်းဆင်၍
စစ်ပြင်ပါလော့ ၊ ချေမှုန်းလော့။
စစ်ကိုင်းမြို့မှာ ၊ တာတိုင်းရွာက
အညာမှာမွေး ၊ အညာ့သွေးကို
စစ်ခွေးလူယုတ် ၊ အမျိုးဖြုတ်၍
တိုက်ထုတ်ပါလော့ ၊ ချေမှုန်းလော့။
ပင်လောင်းမြို့မှာ ၊ နမ်းနိန်းရွာက
ဆရာတော်များ ၊ တိုင်းရင်းသားတို့
တရားရိပ်ခို ၊ သွေးစိမ်းစိုပြီ
ရန်လိုစစ်ခွေး ၊ ထွက်မပြေးခင်
အပြေးလိုက်ကာ ၊ ချေမှုန်းပါလော့။
တို့ပြည်တို့ရွာ ၊ တို့မြေယာ၌
ရန်ရှာစစ်ခွေး ၊ မုဒိမ်းသွေးက
အေးဓါးပြတိုက် ၊ လူသတ်လိုက်နှင့်
ကိုက်သေးသဗျို ၊ မိန်းမကိုယ်ကို
လူလိုမသိ ၊ ဥာဏ်နတ္ထိဖြင့်
သတ္တိနည်းပါး ၊ လူ့ငနွားတို့
ထားလျှင်ဆန်ကုန် ၊ မြေလေးတုံအံ့။
ညီနောင်စုံလင် ၊ တိုက်စစ်ဆင်၍
ပြည်ခွင်မရွေး ၊ ပြည့်သွေးကြွေးနှင့်
ဆွေးနွေးမထိုက် ၊ သည်သူမိုက်အား
တိုက်ခိုက်ချေမှုန်း ၊ လူညွန့်တုံးအောင်
ဆုံးမကြလော့ ၊ ဆုံးမလော့ ။ ။
ပျိုးကြဲလက်
ရေးသားချိန် ၂၀၂၃ ခုနှစ်၊ မတ်လ ၁၃ ရက် မွန်းတည့် ၁၂ နာရီ ၃၉ မိနစ်
Photo – ကရင်နီပြည်နယ် ဖားဆောင်းမြို့နယ်အတွင်း ဖမ်းဆီးရရှိသော ဖက်ဆစ်တပ်သားများ
D Day News
