0
0
ဆိပ်ဖြူ၊ ကပစ ၂၂ မှ တပ်သားတစ်ဦး နွားအုပ်ဖြင့် ကင်းလှည့်စဉ် မိုင်းနင်းမိပြီး အပြင်းအထန်ဒဏ်ရာရ
D Day News
ဇွန်လ ၂၁
မကွေးတိုင်း၊ ဆိပ်ဖြူမြို့နယ်၊ ကပစ ၂၂ မှ အကြမ်းဖက်စစ်သားတစ်ဦးသည် နွားအုပ်ဖြင့် ကင်းလှည့် ထွက်လာရာ နင်းမိုင်းကို နင်းမိပြီး အပြင်းအထန်ဒဏ်ရာရရှိခဲ့ကြောင်း ဒေသကာကွယ်ရေးတပ်ဖွဲ့ဝင် တစ်ဦးက ပြောကြားသည်။
ဇွန်လ ၁၉ ရက် နံနက် ၉ နာရီ ၄၅ မိနစ်ခန့်က ဆိပ်ဖြူမြို့နယ်၊ ကပစ ၂၂ မှ အကြမ်းဖက်စစ်သား တစ်ဦးသည် နွားကျောင်းသားဟန်ဆောင်ကာ နယ်မြေကင်းလှည့်စဉ် ဆိပ်ဖြူမြို့မြောက်ပိုင်း တပ်ရင်း ၄ မှ မုန်တိုင်းအဖွဲ့နှင့် တကိုယ်တော်ကျားဆိုးတို့ပူးပေါင်းကာ ထောင်ထားသည့် မိုင်းကို တက်နင်းမိပြီး အပြင်းအထန် ဒဏ်ရာရရှိကာ ကပစ ၂၂ တပ်ရင်းအတွင်း ဆေးကုသနေကြောင်း သိရသည်။
“ကပစ ၂၂ က စခတစ်ဦး နွားကျောင်းရင်း ကင်းပတ်တာ မိုင်းနင်းမိပြီး ဒဏ်ရာအပြင်းအထန် ရသွား တယ်၊ သူတို့ ကပစ ၂၂ ထဲမှာ ဆေးကုနေတယ်၊ မိုင်းထောင်တဲ့နေရာက ကပစ ၂၂ ရဲ့အစပ်နေရာမှာ ပဲ။ နွားအုပ်နဲ့ ကင်းပတ်တာကို နွားတွေတော့ မထိဘူး။ စခပဲ နင်းမိတာ။” ဟု တော်လှန်ရေးတပ်ဖွဲ့ဝင် တစ်ဦးက ပြောဆိုသည်။
D Day News
