0
0
ဂန့်ဂေါမြို့နယ်၊ သာလင်းကျေးရွာအနီးတွင် စစ်တပ်က ပစ်ခတ်ထားသည့် မပေါက်ကွဲပဲ ကျန်ရှိနေ သော ၄၀ မမ လက်နက်ကြီး တစ်လုံးကို ဆော့ကစားမိရာက အသက် ၁၁ နှစ်အရွယ်ကလေးငယ် တစ်ဦး သေဆုံးပြီး ၂ ဦး ဒဏ်ရာရ
D Day News
ဇွန်လ ၂၁
မကွေးတိုင်း၊ ဂန့်ဂေါမြို့နယ်၊ သာလင်းကျေးရွာအနီးတွင် အကြမ်းဖက်စစ်တပ်က ပစ်ခတ်ထားပြီး မပေါက်ကွဲပဲ ကျန်ရှိနေသည့် ၄၀ မမ လက်နက်ကြီးတစ်လုံးကို ဆော့ကစားမိရာက အသက် ၁၁ နှစ် အရွယ် ကလေးငယ်တစ်ဦးသေဆုံးပြီး ၂ ဦး ဒဏ်ရာရရှိခဲ့ကြောင်း ဒေသနေပြည်သူများထံမှ သိရသည်။
ယနေ့ ဇွန်လ ၂၁ ရက် နံနက် ၉ နာရီခွဲခန့်က ဂန့်ဂေါမြို့နယ်၊ သာလင်းကျေးရွာအနီးတွင် တောင်ခင် ရမ်းရဲစခန်းအတွင်းမှ ပစ်ခတ်ထားပြီး မပေါက်ကွဲပဲ ကျန်ရှိနေသည့် ၄၀ မမ ဗုံးသီးတစ်လုံးကို တွေ့ရှိ သည့် နွားကျောင်းသား ညီအစ်ကို ၃ ဦးက တွေ့ရှိပြီး ဆော့ကစားမိရာ ပေါက်ကွဲခဲ့ပြီး အသက် ၁၁ နှစ် အရွယ် ကလေးတစ်ဦး သေဆုံးကာ အသက် ၁၄ နှစ်နှင့် အသက် ၁၁ နှစ်အရွယ် ကလေး ၂ ဦးတို့ အသက် အန္တရာယ် မစိုးရိမ်ရ ဒဏ်ရာရရှိခဲ့ကြောင်း သိရသည်။
“ဒီမနက်ပိုင်း နွားကျောင်းသွားကြတဲ့ ကလေး ၃ ယောက် မပေါက်ကွဲပဲ ကျန်နေတဲ့ လက်နက်ကြီး ကျည်ကို ဆော့မိလို့ ညီအစ်ကို နှစ်ယောက်ထဲက ညီဖြစ်သူသေတယ်၊ အစ်ကိုဖြစ်တဲ့သူနဲ့ အခြား ကလေး တစ်ယောက်တော့ ဒဏ်ရာအနည်းစီရကြတယ်။ ရွာပြင်လေးမှာပဲ ဖြစ်သွားတာ၊ ပေါက်ကွဲသံ ကြားလို့ သွားကြည့်တော့မှ လက်နက်ကြီး အသီးတစ်လုံးကို ဆော့မိလို ပေါက်ကွဲမှန်းသိကြတာ” ဟု ဒေသနေ ပြည်သူတစ်ဦးက ပြောကြားသည်။
အဆိုပါ သာလင်းကျေးရွာသည် တောင်ခင်ရမ်းကျေးရွာနှင့် ၂ ဖာလုံခန့်သာကွာဝေးပြီး တောင်ခင်ရမ်း ရဲစခန်းအတွင်း အကြမ်းဖက်စစ်သားများ အထိုင်ချထားခဲ့စဉ်က အနီးအနား ပတ်ချာလည်ကျေးရွာ များကို လက်နက်ကြီးများဖြင့် မကြာခဏပစ်ခတ်လုပ်ဆောင်ခဲ့ကြောင်း၊ တောင်ခရမ်း ရဲစခန်းမှ အ ကြမ်းဖက်စစ်သား၊ ရဲများသည် ၂၀၂၃ ခုနှစ်၊ နိုဝင်ဘာလ ၃ ရက်နေ့က စခန်းစွန့်ခွာကာ မြောက်ခင် ရန်းကျေးရွာအတွင်းသို့ သွားရောက် ပူးပေါင်းထားကြောင်း သိရသည်။
D Day News
