0
0
မြိုင်မြို့တွင် ပြည်သူ့နေအိမ်များအတွင်းမှ ပစ္စည်းများခိုးယူပြီး ဂိတ်သို့ ပြန်လာသော စစ်သားများကို ပစ်ခတ်တိုက်ခိုက်မှု စစ်သားများ ထိခိုက်ဒဏ်ရာရ
D Day News
ဇွန်လ ၁၆
မကွေးတိုင်း၊ မြိုင်မြို့တွင် ပြည်သူ့နေအိမ်များအတွင်းမှ ပစ္စည်းများ ခိုးယူပြီး ဂိတ်သို့ ပြန်လာသော အကြမ်းဖက်စစ်သားများကို ပစ်ခတ်တိုက်ခိုက်ခိုက်ခဲ့ရာ အကြမ်းဖက်စစ်သားများ ထိခိုက်ဒဏ်ရာရရှိ မှုရှိခဲ့ကြောင်း မြိုင်ပကဖထံမှ သိရသည်။
ယမန်နေ့ ဇွန်လ ၁၅ ရက် ညနေ ၄ နာရီခန့်က မြိုင်မြို့တောင်ဘက်၌ တပ်စွဲနေထိုင်သော အကြမ်း ဖက်စစ်သားများ အနက် ၆ ဦးသည် မြိုင်မြို့တွင်းရှိ ပြည်သူ့နေအိမ်များအတွင်းမှပစ္စည်းများခိုးယူပြီး ဂိတ်သို့ ပြန်လာစဉ် ပြည်သူ့ကာကွယ်ရေးတပ်ဖွဲ့ဝင်များက မြို့ တွင်းတနေရာမှ စောင့်ကြိုပစ်ခတ် တိုက်ခိုက်ခဲ့ကြောင်း သိရသည်။
ထိုသို့ ပစ်ခတ်တိုက်ခိုက်မှုသည် ၁၅ မိနစ်ခန့်ကြာမြင့်ခဲ့ပြီး ဒဏ်ရာရရှိသော အကြမ်းဖက်စစ်သား များကို ကျန်စစ်သားများက ဆွဲခေါ်ကာ ဝရုန်းသုန်းကားဖြင့် ထွက်ပြေးသွားကြောင်း သိရသည်။
အဆိုပါ ပစ်ခတ်တိုက်ခိုက်မှုကို မြိုင်မြို့နယ်ပြည်သူ့ကာကွယ်ရေးတပ်ဖွဲ့ -မြိုင်ပကဖ တပ်ရင်း ၁ တပ်ခွဲ ၃ ရဲဘော်များက ပစ်ခတ်တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိ အခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
D Day News
