0
0
မြိုင်မြို့ပေါ်ရှိ အကြမ်းဖက်စစ်သားများတပ်စွဲထားသည့် နေရာများကို ဝင်ရောက်တိုက်ခိုက် (ရုပ်သံ)
D Day News
မေလ ၁၈
မကွေးတိုင်း၊ မြိုင်မြို့ပေါ်ရှိ အကြမ်းဖက်စစ်သားများတပ်စွဲထားသည့် နေရာများကို ဝင်ရောက် တိုက် ခိုက်ခဲ့ရာ အကြမ်းဖက်စစ်သားများ ထိခိုက်သေဆုံးမှုရှိနိုင်ကြောင်း ကျားသစ်နက်တပ်မတော်ထံ မှ သိရ သည်။
ယမန်နေ့ မေလ ၁၇ ရက် ညနေ ၅ နာရီ အချိန်ခန့်က မြိုင်မြို့ပေါ်ရှိ မီးသတ်ရုံးနား၌ တပ်စွဲထားသော အကြမ်းဖက် စစ်တပ်ဂိတ်ကို ကျားသစ်နက်တပ်မတော် – Black Leopard Army မြိုင်တပ်ခွဲမှ ဦးဆောင်ပြီး အင်အား ၅၀ ဖြင့် အဖွဲ့ ၃ ဖွဲ့ခွဲ၍ လက်နက်ငယ်များဖြင့် ဝင်ရောက်ပစ်ခတ်တိုက်ခိုက်ခဲ့ ရာ အပြန်အလှန် ပစ်ခတ်တိုက်ပွဲ ၁ နာရီခန့်ကြာမြင့်ခဲ့ကြောင်း သိရသည်။
“အဓိကတော့ မြိုင်မြို့ မီးသတ်ရုံးနားက ခွေးဂိတ်ကို ဝင်ပစ်တာပါ။ ကျန်တဲ့ နှစ်ဖွဲ့က စစ်ကူလမ်း ကြောင်းဖြတ်တောက်တာဝန်ယူတယ်။ အပြန်အလှန် ပစ်ခတ်တိုက်ခိုက်မှု ၁ နာရီလောက်ကြာခဲ့ တယ်။ ထိခိုက်သေဆုံးမှုရှိနိုင်ပေမယ့် မသိရသေးပါဘူး” ဟု ကျားသစ်နက်တပ်မတော်မှ တာဝန်ရှိ သူတစ်ဦးက ပြောကြားသည်။
ယင်းတိုက်ခိုက်မှုအတွင်း အကြမ်းဖက်စစ်သား ထိခိုက်သေဆုံးမှုရှိနိုင်သော်လည်း အတိအကျ သိရှိ နိုင်ရန် စုံစမ်းနေဆဲဖြစ်ပြီး ပြည်သူ့ကာကွယ်ရေးတပ်ဖွဲ့ဝင်တစ်ဦး မစိုးရိမ်ရ ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို ယင်းမာပင်ခရိုင်အမှတ် ၁၁ တပ်ရင်း ၊ တပ်ခွဲ-၄ လရောင်ပြည်သူ့ ကာကွယ် ရေးအဖွဲ့၊ ဗိုလ်စတီးအဖွဲ့ ၊ ကိုမိုက်ခဲအဖွဲ့၊ ကျားပေါက်အဖွဲ့ နှင့် မိုင်းတစ်ထောင်ဗိုလ်ပြောင်အဖွဲ့ တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
