0
0
မြင်းခြံမြို့နယ်တွင် စစ်တပ် စစ်ကြောင်းနှင့် ဝက်လူးရဲစခန်းကို ဒရုန်းဖြင့် ဗုံးကျဲတိုက် ခိုက်မှု စစ်သား ၃ ဦး သေဆုံး
D Day News
ဧပြီလ ၂၆
မန္တလေးတိုင်း၊ မြင်းခြံမြို့နယ်၊ ကြည်ရွာမှ ထွက်လာသော အကြမ်းဖက်စစ်တပ် စစ်ကြောင်းကို ဒရုန်းဖြင့် ဗုံးကျဲတိုက်ခိုက်ခဲ့ရာ အကြမ်းဖက်စစ်သား ၃ ဦးသေဆုံးခဲ့ကြောင်း Myingyan District Drone Strik – အမှတ် ၁၈၄၈ ဒရုန်းတပ်ဖွဲ့ထံမှ သိရသည်။
ဧပြီလ ၂၄ ရက်နေ့က မြင်းခြံမြို့နယ်၊ ကြည်ရွာမှ ထွက်လာသော အင်အား ၅၀ ခန့်ပါ အကြမ်းဖက် စစ်တပ်စစ်ကြောင်းကို ကတောရွာ အရောက် Fixed Wings ဒရုန်းဖြင့်ဖြင့် ဗုံးသီးကျဲချတိုက်ခိုက်ခဲ့ရာ အကြမ်းဖက်စစ်သား ၃ ဦးသေဆုံးပြီး အများအပြား ထိခိုက်ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို Myingyan District Drone Strik – အမှတ် ၁၈၄၈ ဒရုန်းတပ်ဖွဲ့ ၊ Shar Htoo Waw နည်းပညာ တပ်ဖွဲ့ Team 2 နှင့် ရွှေခြံသားပြောက်ကျားတပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်း ဖြစ်ကြောင်း သိရသည်။
အလားတူ ဧပြီလ ၂၄ ရက်နေ့တွင် မြင်းခြံမြို့နယ်၊ ညောင်တိုရွာဘက်သို့ ထွက်လာသော အကြမ်းဖက် စစ်သားများကို Myingyan District Drone Strik – အမှတ် ၁၈၄၈ ဒရုန်းတပ်ဖွဲ့ ၊ Shar Htoo Waw နည်းပညာ တပ်ဖွဲ့ Team 2 မှ Fixed Wing Thwin mini Cargo အမျိုးအစား ဒရုန်း အသုံးပြု၍ 60g ဗုံးသီး ၆ လုံးကျဲချတိုက်ခိုက်ခဲ့ပြီး အကြမ်းဖက်စစ်သား ထိခိုက်သေဆုံးမှုကို စုံစမ်းနေဆဲဖြစ်ကြောင်း သိရသည်။
ထို့အပြင် ဧပြီလ ၂၃ ရက် နံနက် ၈ နာရီခန့်က နွားထိုးကြီးမြို့နယ်၊ ဝက်လူးရဲစခန်းကို ဗုံးသီး ၆ လုံး ၃ ကြိမ် ကျဲချတိုက်ခိုက်ခဲ့ရာ ရဲ ၃ ဦးအပြင်းအထန် ဒဏ်ရာရရှိခဲ့ကြောင်း သိရသည်။
အဆိုပါတိုက်ခိုက်မှုကို Myingyan District Drone Strik – အမှတ် ၁၈၄၈ ဒရုန်းတပ်ဖွဲ့ -MDDS ၊ မြင်းခြံခရိုင် အမှတ် ၄ တပ်ရင်း – Nahtogyi People Defence Force ၊ မလှိုင်မြို့နယ် ပြည်သူ့ကာ ကွယ်ရေးတပ်ဖွဲ့ – MHLG Wing တို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
