0
0
တံတားဦးလေတပ်မှ ကင်းပတ်ကားကို မိုင်းဆွဲ တိုက်ခိုက်မှု စစ်သား ၄ ဦးသေဆုံးပြီး စစ်ကား ဖင် ထောင်သွား (ရုပ်သံ)
D Day News
ဧပြီလ ၂၁
မန္တလေးတိုင်း၊ တံတားဦဂမြို့နယ်၊ တံတားဦးလေတပ် လုံခြုံရေး ပတ်ကင်း စစ်ကားတစ်စီးကို မိုင်းဆွဲ တိုက်ခိုက်ခဲ့ရာ အကြမ်းဖက်စစ်ကား ဖင်ထောင်သွားပြီး ကားပေါ်ပါ စစ်သား ၄ ဦးသေဆုံးပြီး Kyaukse Revolution Army (KRA) ထံမှ သိရသည်။
ယနေ့ ဧပြီလ ၂၁ ရက်နေ့ မွန်းလွဲ ၁၁ နာရီ ၁၅ မိနစ်ခန့်တွင် တံတားဦးလေတပ် လုံခြုံရေးအတွက် ပတ်ကင်းပြုလုပ်နေသော အကြမ်းဖက်စစ်သား ၈ ဦးခန့် လိုက်ပါလာသည့် DC ကား ၁ စီးကို ခရိုင် ပတ်လမ်းတနေရာ၌ တော်လှန်ရေး တပ်ဖွဲ့များက မိုင်းဆွဲ တိုက်ခိုက်ခဲ့ရာ စစ်ကား ဖင်ထောင်သွားပြီး စစ်သား ၄ ဦးသေဆုံးခဲ့ကြောင်း သိရသည်။
“ပြည်သူတွေ အနေနဲ့ လမ်းမှာ စခတွေရဲ့ ကားတွေနောက် ကပ်မလိုက်ဖို့နဲ့ စခတွေနဲ့ မပတ်သတ်ဖို့ အသိပေးချင်ပါတယ်” ဟု Kyaukse Revolution Army (KRA) ပြန်ကြားရေးတာဝန်ခံ ကိုဉာဏ်လင်း က ပြောဆိုသည်။
အဆိုပါ တိုက်ခိုက်မှုကို Kyaukse Revolution Army (KRA) ၊ Kyaukse District Defense Force (KDDF) နှင့် စဥ့်ကိုင်မြို့နယ် (ပကဖ) တို့က ပူးပေါင်း လုပ်ဆောင်ခဲ့ကြောင်း သိရသည်။
D Day News
