0
0
ကျိုက်ထိုမြို့နယ်၊ အင်္ဂဘိုတာဝါတိုင်၊ ရှော်နီကုန်းနှင့် လက်ပံပင်သင်္ချိုင်းတို့ရှိ စစ်သားများကို ဒရုန်းဖြင့် ဗုံးကြဲတိုက်ခိုက်
D Day News
ဧပြီလ ၁၉
မွန်ပြည်နယ်၊ ကျိုက်ထိုမြို့နယ်၊ အင်္ဂဘိုတာဝါတိုင်၊ ရှော်နီကုန်းနှင့် လက်ပံပင်သင်္ချိုင်းတို့ရှိ စစ်သား များကို ဒရုန်းဖြင့် ဗုံးကြဲတိုက်ခိုက်ခဲ့ကြောင်း ကျိုက်ထိုတော်လှန်ရေးအင်အားစု – KRF ထံမှ သိရ သည်။
ဧပြီလ ၁၆ ရက်မွန်းလွဲ ၁ နာရီ ၅ မိနစ်အချိန်တွင် ကျိုက်ထိုမြို့နယ်အတွင်းရှိ စစ်ရေးပစ်မှတ်များ ဖြစ်သော အင်္ဂဘိုတာဝါတိုင်ကို ဗုံးသီး (၁) လုံး၊ ရှော်နီကုန်း(ဒေသအခေါ်)ကို ဗုံးသီး (၁) လုံး နှင့် လက်ပံပင်သင်္ချိုင်းကို ဗုံးသီး (၄) လုံး အသီးသီး ဒရုန်းဖြင့် ကြဲချတိုက်ခိုက်ခဲ့ရာ အကြမ်းဖက် စစ်သား ထိခိုက်မှုများနိုင်ပြီး အတိအကျ သိရှိနိုင်ရန် စုံစမ်းနေဆဲဖြစ်ကြောင်း သိရသည်။
အဆိုပါ တိုက်ခိုက်မှုကို ကျိုက်ထို တော်လှန်ရေးအင်အားစု – KRF ၊ KNU/KNLA ၊ ခရမ်း-PDF နှင့် ကျိုက်ထိုပကဖ တို့ ပူးပေါင်းကာတိုက်ခိုက်ခဲ့ခြင်းဖြစ်ကြောင်း သိရသည်။
ကျိုက်ထိုတော်လှန်ရေး အင်အားစု – KRF စစ်အာဏာရှင်စနစ် ကျဆုံးသည်အထိ ဆက်လက်တိုက် ပွဲဝင်သွားမည်ဖြစ်ပြီး ပြည်သူလူထု၏ အသက်အိုးအိမ် စည်းစိမ်ကို အသက်ပေး ကာကွယ်စောင့် ရှောက်သွားမည် ဖြစ်ကြောင်းနှင့် ပြည်သူလူထုအပေါ် တစ်စုံတစ်ရာ ထိခိုက်နစ်နာ ပျက်စီးဆုံးရှုံး စေမည့် ဖောက်ခွဲမှု၊ ပစ်ခတ်မှုများအား ပြုလုပ်ခြင်း အလျှင်းမရှိပါကြောင်း ထုတ်ပြန်အသိပေးထား သည်။
D Day News
