0
0
ပလမြို့အဝင် ဆိုင်းဘုတ်အနီး၌ တိုက်ခိုက်ပွဲဖြစ်ပြီး ထိခိုက်ဒဏ်ရာရရှိသည့် စစ်သားများကို ပို့ ဆောင်စဉ် ဒရုန်းဖြင့် ထပ်မံဗုံးကြဲတိုက်ခိုက်၊ စလင်းမြို့နယ်၊ တညောင်ရဲ စခန်းကို တိုက်ခိုက်မှု ရဲ ၄ ဦး အပြင်းအထန်ဒဏ်ရာရ
D Day News
ဧပြီလ ၁၅
တနင်္သာရီတိုင်း၊ ပုလောမြို့နယ်၊ ပလမြို့အဝင်ဆိုင်းဘုတ်အနီးတွင် တိုက်ပွဲဖြစ်ပြီး အကြမ်းဖက် စစ်သား အများအပြားဒဏ်ရာရရှိခဲ့ကြောင်း မြိတ်ခရိုင်အမှတ် ၁ တပ်ရင်း ထံမှ သိရသည်။
ယနေ့ ဧပြီလ ၁၄ ရက် နံနက် ၇ နာရီခန့်က ပုလောမြို့နယ်၊ ပလမြို့အဝင် ဆိုင်းဘုတ်အနီး လှုပ်ရှား လာသည့် အင်အား ၅၀ ခန့်ပါ အကြမ်းဖက်စစ်တပ် စစ်ကြောင်းနှင့် ပြည်သူ့ကာကွယ်ရေး တပ်မ တော်(ပုလော)၊ မြိတ်ခရိုင်အမှတ် ၁ တပ်ရင်း မဟာမိတ်တပ်ပေါင်းစုတို့ကြား အပြန်အလှန် ပစ်ခတ် တိုက်ပွဲ ၁ နာရီခန့်ကြာမြင့်ခဲ့ကြောင်း သိရသည်။
ထိုနောက် နံနက် ၁၁ နာရီ ဝန်းကျင်တွင် တိုက်ပွဲအတွင်း ထိခိုက် ဒဏ်ရာရှိသည့် အကြမ်းဖက်စစ် သားများကို ပလမြို့ ရေနက်ဆိပ်ကမ်းမှ မြိတ်မြို့သို့ ပို့ဆောင်ရန် ကြိုးစားခဲ့သဖြင့် ပြည်သူ့ကာကွယ် ရေး ဒရုန်းတပ်ဖွဲ့မှ ဒရုန်းဖြင့် ဗုံးသီး ၃ လုံး ကြဲချ တိုက်ခိုက်ခဲ့ကြောင်း သိရသည်။
အဆိုပါ တိုက်ပွဲများအတွင်း ဖက်ဆစ်စစ်တပ်မှ ထိခိုက်သေဆုံးမှု အများအပြားရှိနိုင်ပြီး ကို တိတိကျကျ သိရှိနိုင်ရန် စုံစမ်းနေဆဲဖြစ်ကြောင်း၊ ပြည်သူ့ကာကွယ်ရေး ရဲဘော် ၁ ဦး မစိုးရိမ်ရ ဒဏ်ရာ ရရှိခဲ့ကြောင်း သိရသည်။
ပုလောမြို့နယ်အတွင်း၌ တိုက်ပွဲများ ပိုမိုဖြစ်ပွားလာနိုင်သည့်အတွက် ပြည်သူများအနေဖြင့် စစ် ရေး သတင်းကို အမြဲနားစွင့်၍ နေထိုင်ကြရန်၊ မြိတ်ခရိုင်အမှတ် ၁ တပ်ရင်းနှင့် မဟာမိတ်တော်လှန် ရေးအင်အားစုများမှ ထုတ်ပြန်သည့် ထုတ်ပြန်ချက်များကို လေးလေးစားစား လိုက်နာပေးကြရန် မေတ္တာရပ်ခံထားသည်။
အလားတူ ယမန်နေ့ ဧပြီလ ၁၄ ရက် နံနက်အစောပိုင်း ၂ နာရီခန့်က စလင်းမြို့နယ်၊ တညောင်ရဲ စခန်း ကို လက်နက်ကြီး၊ လက်နက်ငယ်များဖြင့် ပစ်ခတ်တိုက်ခိုက်ခဲ့ရာ ဗဟိုကင်းပေါ်သို့ လက်နက် ကြီး ကျရောက်ပေါက်ကွဲမှုအတွင်း ရဲ ၄ ဦး အပြင်းအထန်ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို ပြည်သူ့ကာကွယ်ရေးအဖွဲ့ (ပကဖ- စလင်း) မှ ဝင်ရောက်တိုက်ခိုက်ခဲ့ခြင်းဖြစ် ပြီး အကြမ်းဖက်စစ်တပ်လက်အောက်ခံ ရဲစခန်းအတွင်းမှ လက်နက်ငယ်များဖြင့် အချိန်အတော်ကြာ သည်အထိ ရမ်းသမ်းပစ်ခတ်ခဲ့သော်လည် ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန် လည် ဆုတ်ခွာနိုင်ခဲ့ကြောင်း သိရသည်။
D Day News
