0
0
လောင်းလုံးမြို့နယ်၊ မောင်းမကန်ရဲစခန်းကို ရိက္ခာလာပို့သည့် စစ်ယာဉ်တန်းကို မိုင်းဆွဲ ပစ်ခတ် တိုက်ခိုက်မှု စစ်သား ၃ ဦးသေဆုံး
D Day News
ဧပြီလ ၁၄
တနင်္သာရီတိုင်း၊ လောင်းလုံးမြို့နယ်၊ မောင်းမကန်ရဲစခန်းကို ရိက္ခာလာပို့သည့် အကြမ်းဖက် စစ် ယာဉ်တန်းကို မိုင်းဆွဲ ပစ်ခတ် တိုက်ခိုက်ခဲ့ရာ စစ်သား ၃ ဦးသေဆုံးခဲ့ကြောင်း လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့ထံမှ သိရသည်။
ဧပြီလ ၁၂ ရက်နေ့ နံနက် ၈ နာရီ ၄၅ မိနစ်ခန့်တွင် လောင်းလုံးမြို့နယ်၊ မောင်းမကန်ရဲစခန်းကို ရိက္ခာပို့ပြီး ပြန်လာသည့် အကြမ်းဖက် စစ်ကောင်စီ တပ်သားများ လိုက်ပါလာသော ကား ၃ စီးကို လောင်းလုံးမြို့နယ် ပြည်သူ့ကာကွယ် ရေးတပ်ဖွဲ့ရှိ ဇုန်အသီးသီး ရဲဘော်များ ပူးပေါင်းပြီး မိုင်းဆွဲ တိုက်ခိုက်ခဲ့ကြောင်း သိရသည်။
အဆိုပါ မိုင်းဆွဲ တိုက်ခိုက်မှုကြောင့် အကြမ်းဖက် စစ်ကောင်စီ တပ်သားများ လိုက်ပါလာသည့် ဒုတိယ မြောက် ကား ၁ စီး ထိမှန်ခဲ့ပြီး မိနစ်အနည်းငယ်မျှ အပြန်လှန် ပစ်ခတ်မှု ဖြစ်ပွားခဲ့ကာ တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
မိုင်းဆွဲ ပစ်ခတ် တိုက်ခိုက်မှုကြောင့် အကြမ်းဖက် စစ်သား ၃ ဦး သေဆုံးခဲ့ပြီး သေဆုံးသွားသော စစ်သား အလောင်းများကို တောရှည်ရွာ၌ ထားရစ်ကာ ဒဏ်ရာရရှိခဲ့သော စစ်သားများကို ထားဝယ် မြို့ကို ဆက်လက် သယ်ဆောင်သွားကြောင်း သိရသည်။
ယနေ့ ဧပြီလ ၁၄ ရက်နေ့တွင် တောရှည်ရွာ၌ ချန်ထားခဲ့သည့် သေဆုံးသွားသော စစ်သား အလောင်းများကို တောရှည်ရွာ သင်္ချိုင်း၌ မြှုပ်နှံလိုက်ကြောင်း လောင်းလုံးမြို့နယ် ပြည်သူ့ ကာကွယ်ရေးတပ်ဖွဲ့ထံမှ သိရသည်။
D Day News
