0
0
ချောင်းဦးမှ မုံရွာသို့ ထွက်လာသော စစ်သားများလိုက်ပါလာသည့် အရပ်သားကားများကို ပစ်ခတ် တိုက်ခိုက် (ရုပ်သံ)
D Day News
ဧပြီလ ၁၂
ချောင်းဦးမြို့မှ မုံရွာမြို့သို့ ထွက်လာသော စစ်သားများလိုက်ပါလာသည့် ကား ၂ စီးကို ပစ်ခတ်တိုက် ခိုက်ခဲ့ရာ အကြမ်းဖက်စစ်သားများထိခိုက်သေဆုံးမှုရှိနိုင်ကြောင်း သိရသည်။
ယမန်နေ့ ဧပြီလ ၁၁ ရက် ညနေ ၄ နာရီ ၄၇ မိနစ်ခန့က ချောင်းဦးမြို့မှ မုံရွာမြို့သို့ ထွက်လာသော အကြမ်းဖက်စစ်သားများ စီးနင်းလိုက်ပါလာသည့် ၆ ဘီးကား ၁ စီး၊ Express ကားတစ်စီးတို့ကို မုံရွာ -မန္တလေးလမ်းပေါ် တရော၌ အသင့်စောင့်ကြိုပစ်ခတ်တိုက်ခိုက်ခဲ့ရာ အကြမ်းဖက်စစ်သားများ ထိခိုက် သေဆုံးမှုရှိပြီး အတိအကျ သိရှိနိုင်ရန် စုံစမ်းနေဆဲဖြစ်ကြောင်း သိရသည်။
https://youtu.be/4d6CzxZiuSI
အဆိုပါ တိုက်ခိုက်မှုကို မုံရွာခရိုင်ပြည်သူ့ကာကွယ်ရေးတပ်မတော် – Chindwin Attack Force တပ် ရင်း ၄ ၊ မုံရွာခရိုင်ပြည်သူ့ကာကွယ်ရေး တပ်မတော်တပ်ရင်း ၄ အထူးကကွန်မန်ဒိုတပ်ဖွဲ့ (Monywa The Boys) ၊ မုံရွာခရိုင် ပြည်သူ့ကာကွယ်ရေးတပ်မတော်တပ်ရင်း (၄) တပ်ခွဲ (၂) 5/ Commando Force ၊ Democratic Guerrilla Force (D.G.F) ၊ Monywa Force Group နှင့် စေတန် တို့ပူးပေါင်း ကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
