0
0
စစ်ကိုင်းမြို့နယ်၊ ညောင်ငုတ်တိုပျူစောထီးရွာနှင့် ရွှေကျင်မြို့နယ်၊ ညောင်ပင်ပေါက်ကျေးရွာရှိ စစ်သားများကို ဒရုန်းဖြင့် ဗုံးကြဲတိုက်ခိုက်မှု စစ်သား ၃ ဦး ဒဏ်ရာရ
D Day News
ဧပြီလ ၁၀
စစ်ကိုင်းတိုင်း၊ စစ်ကိုင်းမြို့နယ်၊ ညောင်ငုတ်တို ပျူစောထီးကျေးရွာကို ဒရုန်းဖြင့် ဗုံးကျဲတိုက်ခိုက်ခဲ့ ကြောင်း ယူနီကွန်းပြောက်ကျားတပ်ဖွဲ့ထံမှသိရသည်။
ဧပြီလ ၈ ရက် ညနေ ၃ နာရီခန့်က စစ်ကိုင်းမြို့နယ် ညောင်ငုတ်တိုရွာရှိ အကြမ်းဖက် စစ်သား၊ ပျူ စောထီးများကို ကို Drone ၊ Fixed Wings များဖြင့် ဗုံးသီး ၁၂ လုံး ကျဲချတိုက်ခဲ့ရာ ပစ်မှတ်များကို ထိရောက်စွာ တိုက်ခိုက်နိုင်ခဲ့ပြီး မြေပြင်ခြေအနေအရ စုံစမ်းမရဖြစ်နေကြောင်း သိရသည်။
“နေ့ခင်း ၃ နာရီလောက်ကနေစချခဲ့တာပါ၊ ပျူစခန်းမှာက အင်အားတော့ သိပ်မများတော့ ဘူး၊ ဗုံးချတာ အရင်လိုတောင် ပြန်မပစ်တော့ဘူး၊ ထိခိုက်သေဆုံးမှုကတော့ စုံစမ်းလို့မရဖြစ်နေတာ” ဟု ယူနီကွန်းပြောက်ကျားတပ်ဖွဲ့မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို ယူနီကွန်း ပျောက်ကြားတပ်ဖွဲ့၊ ကြောင်လက်သည်း LPDF ၊ Phoenix Sgg နှင့် Royal Falcon Guerrilla Force တို့ပူပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
အလားတူ ပဲခူးတိုင်း၊ ရွှေကျင်မြို့နယ်၊ ညောင်ပင်ပေါက်ကျေးရွာရှိ အကြမ်းဖက်စစ်သားများကို ဒရုန်း ဖြင့် ဗုံးကြဲ တိုက်ခိုက်ခဲ့ရာ စစ်သား ၃ ဦး ဒဏ်ရာရရှိခဲ့ကြောင်း KNLA Nighthawks အဖွဲ့ထံမှ သိရ သည်။
မတ်လ ၃၀ ရက် နံနက် ၅ နာရီခန့်က ရွှေကျင်မြို့နယ်၊ ညောင်ပင်ပေါက်ကျေးရွာရှိ စစ်ကောင်စီ တပ်ဖွဲ့ကို ဒရုန်းဖြင့် ၈၁ မမ ဗုံးသီး ၁ လုံး၊ ၆၀ မမ ဗုံးသီး ၆ လုံး ကြဲချတိုက်ခိုက်ခဲ့ရာ အကြမ်းဖက် စစ်ကောင်စီတပ်ဖွဲ့ဝင် ၃ ဦး ဒဏ်ရာရခဲ့ကြောင်း သိရသည်။
အဆိုပါတိုက်ခိုက်မှုကို တောကျီးကန်းတပ်ဖွဲ့၊ KNLA ပူးပေါင်းတပ်ဖွဲ့နှင့် KNLA Nighthawks အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး တော်လှန်ရေး ပူးပေါင်းတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
D Day News
