0
0
မော်လမြိုင်မြို့ရှိ အရှေ့တောင်တိုင်းစစ်ဌာနချုပ်အတွင်း၌ အကြမ်းဖက်စစ်တပ်ဒုခေါင်းဆောင်စိုးနှင့် တပ်မှူးများ အစည်းပြုလုပ်နေစဉ် အသေခံဒရုန်းများဖြင့် ထပ်မံဗုံးကျဲတိုက်ခိုက်
D Day News
ဧပြီလ ၉
မွန်ပြည်နယ်၊ မော်လမြိုင်မြို့ရှိ အရှေ့တောင်တိုင်းစစ်ဌာနချုပ် – ရတခ တပ်အတွင်း၌ အကြမ်းဖက် စစ် ကောင်စီဒုတိယခေါင်းဆောင် စိုးဝင်းနှင့်တပ်မှူးများ အစည်းအဝေးပြုလုပ်နေစဉ် အသေခံဒရုန်း များဖြင့် ထပ်မံဗုံးကျဲတိုက်ခိုက်ခဲ့ကြောင်း Alpha Bats Drone Force ထံမှ သိရသည်။
ယနေ့ ဧပြီလ ၉ ရက် မွန်းလွဲ ၁ နာရီ မိနစ် ၃၀ အချိန်ခန့်က မော်လမြိုင်မြို့၊ အရှေ့တောင်တိုင်း စစ် ဌာနချုပ် – ရတခ တိုင်းရုံးအတွင်း အကြမ်းဖက်စစ်တပ် ဒုတိယခေါင်းဆောင် စိုးဝင်းဦးဆောင်ပြီး စစ် ဆင်ရေးအစည်းအဝေးပြုလုပ်နေသည့် အားကစားခန်းမကို ကာမီကာဇေ Fixed Wing Drone ၃ စီး ဖြင့်လည်းကောင်း၊ ရဟတ်ယာဉ် ၂ စီး ရပ်ထားသည့်နေရာကို ကာမီကာဇေ Fixed Wing Drone ၂ စီး ဖြင့်လည်းကောင်း ကျဲချတိုက်ခိုက်ခဲ့ခြင်း ဖြစ်ကြောင်း သိရသည်။
“စိုးဝင်းက ဒီနေ့လည်းရှိနေတယ်၊ အားကစားခန်းမမှာ တပ်မှူးတွေ၊ အရာရှိတွေနဲ့ တောင်ပိုင်းစစ် မျက်နှာအတွက် အထူးအစည်းအဝေးလုပ်နေတာပါ၊ ပျက်စီးမှုကတော့ အသေးစိတ်မသိရသေးပါဘူး၊ ကျနော်တို့တိုက်ခိုက်ခဲ့တာက ခန်းမကို ၃ စီး၊ ဟတ်စကီးကွင်းကို ၂ စီးချခဲ့တာ၊ လက်ရှိတော့ ဟတ်စ ကီး တစ်စီပဲ ပျံတက်နိုင်မှုမရှိတော့ဘူးလို့ ကနဦးသိထားရတယ်၊ မနေ့က သတင်းဆက်ကတော့ အသေး စိတ်မသိရသေးပါဘူး၊ မနေ့က တိုင်းမှူးတော့ အဆဲခံရတယ်၊ အခုတော့ မြို့ထဲတွေ၊ တိုင်းရုံး တွေကို အကုန်ပိတ်ဆို့ထားလိုက်ပြီ။” Alpha Bats Drone Force မှ တာဝန်ရှိသူတစ်ဦးက ပြောကြား သည်။
အဆိုပါ တိုက်ခိုက်မှုကို ရှာထူးဝေါ်နည်းပညာတပ်ဖွဲ့၏ Alpha Bats တပ်ခွဲက တိုက်ခိုက်ခဲ့ခြင်း ဖြစ်ပြီး ဗုံးကျဲချပြီးနောက် တိုင်းရုံးအတွင်းမှ ပေါက်ကွဲသံကျယ်လောင်စွာ ဆက်တိုက်ထွက်ပေါ်ခဲ့ ကြောင်း၊ အထိအခိုက်အပျက်အစီးများရှိနိုင်ပြီး ရတခ တိုင်းရုံးရှေ့လမ်းမကို ပိတ်ဆို့ပစ်ကာ စစ်ကား အများအပြားလည်း လေဆိပ်ဘက်သို့ ထွက်ခွာသွားကြောင်း သိရသည်။
ထို့အပြင် မြန်မာနိင်ငံဘက်တံ ဆိပ်တပ် ပြောက်ကျားဝတ်စုံများဝတ်ဆင်ထားသည့် စစ်သားများ လိုက်ပါလာသော ကား ၃ စီးလည်း ထွက်ခွာလာပြီး ရပ်ထားသည့် ရဟတ်ယာဥ်၂ စီးအနက် တစ်စီး သာ ပြန်တက်နိုင်ကာ ကျန်တစ်စီးမှာ တက်နိုင်ခြင်းမရှိသေးကြောင်း သိရသည်။
ယမန်နေ့ ဧပြီလ ၈ ရက် ညနေပိုင်းကလည်း အလားတူ တိုက်ခိုက်ခဲ့ရာ အကြမ်းဖက်စစ်တပ် စိုးဝင်း ကိုယ်တိုင် တုန်လှုပ်ခြောက်ခြားမှုဖြစ်ကာ အကြီးအကျယ်ဒေါသပေါက်ကွဲခဲ့ပြီး တိုင်းမှူးအား လူပုံအ လည် ဆဲဆိုအော်ဟစ်ခဲ့ကြောင်း သိရသည်။
ယနေ့ တိုက်ခိုက်မှုသည် ဒုချုပ်စိုးဝင်း အနေဖြင့် ရတခ တွင် ရောက်ရှိနေပြီး မြဝတီ၊ သင်္ဃန်းညီနောင်၊ ကော့ကရိတ် စစ်ဆင်ရေးများကို အနီးကပ်ကွပ်ကဲနေကြောင်း သိရသဖြင့် ရသမျှနည်းလမ်းများ အသုံးပြုတိုက်ခိုက်နေခြင်းဖြစ်ကြောင်း Alpha Bats Drone Force က ပြောဆိုထားသည်။
D Day News
