0
0
TNLA ထိန်းချုပ်ထားသော နမ့်ဆန်မြို့တွင် တအာင်းပညာရေးအကယ်ဒမီ-TEC ကျောင်းဆင်းပွဲ ကျင်းပ
D Day News
ဧပြီလ ၈
ရှမ်းပြည်နယ်မြောက်ပိုင်း၊ TNLA ထိန်းချုပ်ထားရာ နမ့်ဆန်မြို့တွင် တအာင်းပညာရေးအကယ် ဒမီ (TEA) ကျောင်းဆင်းပွဲအခမ်းအနားကို ယမန်နေ့ ဧပြီလ ၇ ရက် နေ့က ကျင်းပပြုလုပ်ခဲ့ကြောင်း TNLA သတင်းနှင့် ပြန်ကြားရေးဌာနထံက သိရသည်။
တအာင်းပြည်နယ်အတွင်း ဖွင့်လှစ်နေသည့် TLEC ကျောင်းများတွင် ဆရာ၊ ဆရာမများအဖြစ် တာဝန် ထမ်းဆောင်နိုင်ရန် တအာင်းပညာရေးအကယ်ဒမီကျောင်းကို ပထမ ဆုံးအကြိမ်ဖွင့်လှစ်ခဲ့ခြင်းဖြစ်ပြီး ယင်းသင်တန်းကျောင်းဆင်းပွဲကို PSLF/TNLA ဥက္ကဌ ဗိုလ်ချုပ်ကြီး တားအိုက်ဘုန်း၊ အထွေထွေ အတွင်းရေးမှူ ဗိုလ်ချုပ် တားဘုန်းကျော်နှင့် ကျောင်းသူ/သားများ ဒေသနေပြည်သူ လူထုများ စုစု ပေါင်း လူဦးရေ ၄၀၀ ကျော် တက်ရောက်ခဲ့ကြောင်း သိရသည်။
အဆိုပါ သင်တန်းကျောင်းကို ကျောင်းသူ ၉၃ ဦး၊ ကျောင်းသား ၂၇ စုစုပေါင်း ၁၂၀ ဦး တက်ရောက် အောင် မြင်ခဲ့ပြီး ကျောင်းကာလ ၁ နှစ်နီးပါးကြာမြင့်ခဲ့ကြောင်း သိရသည်။
ဒုတိယအသုတ်အနေဖြင့် လာမည့်ဇွန်လ ၁ ရက်နေ့တွင် ထပ်မံဖွင့်လှစ်သွားမည်ဖြစ်ပြီး လျှောက်လွှာ များ ဖြန့်ဝေထားပြီဖြစ်ကြောင်း သိရသည်။
D Day News
