0
0
ပေါက်မြို့နယ်၊ ကပစ ၂၄ ကို ၁၀၇ မမ ရှော့တိုက်ဒုံး၊ ဒရုန်းဖြင့် ပစ်ခတ်တိုက်ခိုက်မှု အဆောက်အအုံ ထိခိုက် ပျက်စီးမှု များပြား
D Day News
ဧပြီလ ၄
မကွေးတိုင်း၊ ပေါက်မြို့နယ်အတွင်းရှိ အကြမ်းဖက်စစ်တပ်၏ ကာကွယ်ရေးပစ္စည်းထုတ်လုပ်မှု စက်ရုံး – ကပစ ၂၄ ကို ၁၀၇ မမ ရှော့တိုက်ဒုံး၊ ဒရုန်းဖြင့် ပစ်ခတ်တိုက်ခိုက်ခဲ့ရာ အဆောက်အအုံ ထိခိုက် ပျက်စီးမှု များပြားကြောင်း Freedom Revolution Force – FRF ထံမှ သိရသည်။
ဧပြီလ ၂ ရက် ညနေ ၆ နာရီ ၁၅ မိနစ်ခန့်က ပေါက်မြို့နယ်၊ ကာကွယ်ရေးပစ္စည်းထုတ်လုပ်ရေးစက်ရုံ ကပစ-၂၄ ကို ၁၀၇ မမ ရှော့တိုက်ဒုံး ၅ လုံး၊ ၁၀၀ မမ ဒရုန်း ဗုံးသီး ၄ လုံး တို့ဖြင့် တိုက်ခိုက်ခဲ့ရာ စက် ရုံကို တိုက်ရိုက်ထိမှန်ပေါက်ကွဲခဲ့ပြီး အထိအခိုက် အပျက်အစီး များပြားကြောင်း ၊ ထိခိုက်ပျက်စီးမှု အခြေအနေ အသေးစိတ်ကို သိရှိနိုင်ရန် စုံစမ်းနေဆဲဖြစ်ကြောင်း သိရသည်။
အဆိုပါ တိုက်ခိုက်မှုကို Freedom Revolution Force (FRF) အထူးတာဝန်တပ်ဖွဲ့- ၂ ၊ ပေါက်မြို့နယ် ပကဖနှင့် ဗိုလ်လရောင်အဖွဲ့တို့ ပါဝင်သော မဟာမိတ်ပူးပေါင်းအဖွဲ့မှ တပ်ဖွဲ့ဝင်များက တိုက်ခိုက် ခဲ့ခြင်းဖြစ်ကြောင်း သိရသည်။
FRF အထူးတာဝန်တပ်ဖွဲ့သည် စစ်အာဏာရှင်ကျဆုံးရေးအတွက် မဟာမိတ်များနှင့်အတူ စစ်ကောင် စီ၏ အရေးကြီးနေရာများအား တိုက်ခိုက်လျက်ရှိကြောင်း အသိပေးထားသည်။
D Day News
