0
0
အရာတော်မြို့ထွေအုပ်ရုံး၌ သင်္ကြန်အစည်းအဝေး ပြုလုပ်နေစဉ် ဗုံးကျဲတိုက်ခိုက်မှု စစ်သား ၄ ဦး ဒဏ်ရာရ
D Day News
ဧပြီလ ၁
စစ်ကိုင်းတိုင်း၊ အရာတော်မြို့အထွေထွေအုပ်ချုပ်ရေးမှူးရုံးအတွင်း၌ သင်္ကြန်ရေသဘင်အတွက် အစည်းအဝေးပြုလုပ်နေစဉ် ဗုံးကျဲတိုက်ခိုက် ခဲ့ရာ စစ်သား ၄ ဦး ဒဏ်ရာရရှိခဲ့ကြောင်း BGS Drone Force တပ်ဖွဲ့ထံမှ သိရသည်။
မတ်လ ၃၀ ရက် နံနက် ၁၀ နာရီ မိနစ် ၄၀ အချိန်ခန့်က အရာတော်မြို့ပေါ်ရှိ အထွေထွေ အုပ်ချုပ် ရေးမှူးရုံး၌ အကြမ်းဖက်စစ်ကောင်စီလက်အောက်ခံ စစ်သားများနှင့် ဌာနဆိုင်ရာ Non -CDM ဝန် ထမ်း များအတာသင်္ကြန်ရေ သဘင်အတွက်အစည်းအဝေးပြုလုပ်နေစဉ် လက်လုပ် ၁၂၀ မမ စလစ် ဗုံးသီး ၁ လုံးကို ဒရုန်းဖြင့် ဗုံးကြဲတိုက်ခိုက်ခဲ့ရာ အထွေထွေအုပ်ချုပ်ရေးဦးစီးဌာန ဦးစီးမှူး၏ နေအိမ် ပေါ်သို့ ကျရောက်ပေါက်ကွဲခဲ့ကြောင်း သိရသည်။
ထိုသို့ ဗုံးကျပေါက်ကွဲမှုကြောင့် လုံခြုံရေး ကင်းယူနေသော အကြမ်းဖက်စစ်သား ၄ ဦး ထိခိုက်ဒဏ်ရာ ရရှိခဲ့ကြောင်း သိရသည်။
အဆိုပါ တိုက်ခိုက်မှုကို BGS Ayadaw Drone Force & Ayadaw Rocket တို့ ဦးဆောင်၍ မုံရွာခရိုင် ပကဖ ၊ မြို့နယ် ပကဖ၊ တိုက်နယ် ၄ ၊ တိုက်နယ် ၁၁ နှင့် မိုင်းမင်းသား ပြောက်ကျားအဖွဲ့တို့ ပူးပေါင်း ကာတိုက်ခိုက်ခဲ့ခြင်းဖြစ်ကြောင်း သိရသည်။
