0
0
တနင်္သာရီမြို့နယ်၊ သိန္ဒေါစခန်းမှ စစ်သားတစ်ဦး လက်နက်ခဲယမ်းနှင့်အတူ အလင်းဝင်
D Day News
မတ်လ ၂၉
တနင်္သာရီတိုင်း ၊ မြိတ်ခရိုင်၊ တနင်္သာရီမြို့နယ် သိန္ဒောစခန်းမှ စစ်ကောင်စီတပ်သားတစ်ဦး လက်နက်ခဲယမ်းနှင့်အတူ အလင်းဝင်ရောက်ခဲ့ကြောင်း မြိတ်ခရိုင်ပြည်သူ့ကာကွယ်ရေး ပူးပေါင်း စစ်ကြောင်း – ၁ – ထံမှ သိရသည်။
မတ်လ ၂၅ ရက်နေ့က သိန္ဒေါစခန်း၌ တာဝန်ထမ်းဆောင်နေသော အကြမ်းဖက်စစ်ကောင်စီ၏ တပ်သားတစ်ဦးသည် ၎င်းကိုင်ဆောင်သော MA1 ၁ လက်၊ ကျည်ဘောက် ၄ ခု၊ကျည် ၅၄၀ တောင့် လက် ပစ်ဗုံး ၂ လုံး၊ အီနာဂါ ၂ လုံးတို့နှင့်အတူ အလင်းဝင်ရောက်ခဲခြင်းဖြစ်ကြောင်း သိရသည်။
ထို့သို့ အလင်းဝင်ရောက်ခဲ့သည့် စစ်ကောင်စီတပ်သားကို လုံခြုံသည့် နေရာ၌ ကောင်းမွန်စွာထားရှိပြီး နိုင်ငံ့ဝန်ထမ်း (CDM) မူဝါဒနှင့်အညီ ဆက်လက်လုပ်ဆောင်သွားမည်ဖြစ်ကြောင်း မြိတ်ခရိုင် ပြည်သူ့ ကာကွယ်ရေးပူးပေါင်းစစ်ကြောင်း ၁ က ထုတ်ပြန်ထားသည်။
မြိတ်ခရိုင်ပြည်သူ့ကာကွယ်ရေးပူးပေါင်းစစ်ကြောင်း – ၁ သည် မြိတ်ခရိုင်တပ်ရင်း ၂ ၊ တပ်ခွဲ ၁ ၊ ဘက် မလိုက် ပြောက်ကျားအဖွဲ့၊ တောင်ပိုင်းသူရဲကောင်းအဖွဲ့(SWDF)နှင့် မြိတ်မြို့နယ် (ပကဖ) တို့ ပူးပေါင်း ထားကြောင်း သိရသည်။
D Day News
