0
0
နွားထိုးကြီးမြို့မရဲစခန်း၊ ဆောက်လုပ်ရေးရုံးနှင့် စစ်တပ်အထိုင်စခန်းတစ်ကို တိုက်ခိုက် (ရုပ်သံ)
D Day News
မတ်လ ၂၈
မန္တလေးတိုင်း၊ နွားထိုးကြီးမြို့ပေါ်ရှိ မြို့မရဲစခန်း၊ ဆောက်လုပ်ရေးရုံးနှင့် စစ်တပ်အထိုင်စခန်းတစ်ခု ကို လက်နက်ကြီး၊ လက်နက်ငယ်များဖြင့် တိုက်ခိုက်ခဲ့ရာ အကြမ်းဖက်စစ်သားများ ထိခိုက်သေဆုံး မှုရှိ ကြောင်း မြင်းခြံခရိုင်အမှတ် ၄ တပ်ရင်း နွားထိုး ကြီး PDF ထံမှ သိရသည်။
မတ်လ ၂၆ ရက် ညနေ ၄ နာရီခွဲခန့်က နွားထိုးကြီးမြို့ပေါ်ရှိ ရဲစခန်း၊ ဆောက်လုပ်ရေးရုံးတို့ကို ပြည်သူ့ကာကွယ်ရေးတပ်ဖွဲ့ဝင်များက ဖက်ဆစ်တော်လှန်ရေးနေ့အကြိုအဖြစ် လက်နက်ကြီး၊ လက်နက်ငယ်များဖြင့် ဝင်ရောက်ပစ်ခတ်တိုက်ခိုက်ခဲ့ပြီး အကြမ်းဖက်စစ်သားများ ထိခိုက်သေဆုံးမှု ကိုစုံစမ်းနေဆဲဖြစ်ကြောင်း သိရသည်။
အလားတူ မတ်လ ၂၇ ရက် နံနက် ၉ နာရီခန့်က နွားထိုးကြီးမြို့ အရှေ့ဘက်ရှိ အကြမ်းဖက် စစ်တပ် အထိုင်စခန်းတစ်ခုကို လက်နက်ကြီး၊ လက်နက်ငယ်များဖြင့် ဝင်ရောက်ပစ်ခတ်တိုက်ခိုက်ခဲ့ရာ စစ် သားအများအပြား ထိခိုက်သေဆုံးမှုရှိကြောင်း သိရသည်။
အဆိုပါ တိုက်ခိုက်မှုကို မြင်းခြံခရိုင်အမှတ် ၄ တပ်ရင်း – နွားထိုးကြီး PDF ၊ နွားထိုးကြိးမြို့နယ် (ပ က ဖ) နှင့် မြင်းခြံမြို့နယ် (ပ က ဖ) တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
