0
0
ဆိပ်ဖြူမြို့နယ်၊ ကပစ ၂၂ အနီးတွင် မိုင်းဖော်ယူသွားသည့် စစ်သားများ မိုင်းခွဲတိုက်ခိုက်ခံရပြီး ၅ ဦး သေဆုံး
D Day News
မတ်လ ၂၆
မကွေးတိုင်း၊ ဆိပ်ဖြူမြို့နယ်၊ အမှတ် ၂၂ ကာကွယ်ရေးပစ္စည်းထုပ်လုပ်စက်ရုံ – ကပစ ၂၂ အနီးတွင် မိုင်းဖော်ယူသွားသည့် အကြမ်းဖက်စစ်သားများ မိုင်းခွဲတိုက်ခိုက်ခံရပြီး ၅ ဦးသေဆုံးသွားကြောင်း ဆိပ်ဖြူ ပြောက်ကျား တကိုယ်တော် ကျားဇိုးထံက သိရသည်။
မတ်လ ၁၈ ရက်နေ့ နံနက် ၇ နာရီ မိနစ် ၃၀ ခန့်က ဆိပ်ဖြူမြို့နယ်၊ ဆိပ်ဖြူ – ပေါက်လမ်းမပေါ် တပေါင်းရွာနှင့် ကပစ ၂၂ ကြား၌ အကြမ်းဖက်စစ်ကောင်စီတပ်သားများ လုံခြုံရေးယူနေသည့် နေရာ အနီး၌ မိုင်းကို လျှိုဝှက်ထိန်းသိမ်းထားခဲ့ပြီး လာရောက်သယ်ယူသွားသည့် စစ်သားများကို အဝေး ထိန်းဖြင့် မိုင်းခွဲတိုက်ခိုက်ခဲ့ရာ ပကစ ၂၂ မှ စစ်သား ၃ ဦး၊ တပါင်းရွာ၌ အထိုင်ချထားသည့် စစ်သား ၂ ဦး နေရာမှာပင် ပွဲချင်းပြီး သေဆုံးခဲ့ကြောင်း သိရသည်။
“ကပစ ၂၂ ကနေဆိုရင် ၅ ဖာလုံလောက်ပဲကွာမယ်၊ ကပစ ၂၂ က စစ်ခွေးတွေ အထိုင်ချထားတာ၊ သူတို့က မိုင်းကို ပွေ့ယူသွားတာ၊ ပွေ့ယူသွားတဲ့အချိန် ခွဲလိုက်တာ၊ အဝေးထိန်းမိုင်းဆိုတော့ လွယ် တာပေါ့၊ တကောင်ကတော့ တစ်စစီဖြစ်သွားတာ၊ အသားစတွေဆိုရင် ကော်ပြားနဲ့ပါ ကျုံးယူသွား တာတွေ့ရတယ်၊ ၃ ကောင်ကတော့ သေရုံပဲ၊ ကျန်တဲ့တစ်ကောင်ကတော့ မျက်နှာတစ်ခြမ်းနဲ့ လက် တွေပါ စုတ်ပြတ်သတ်သွားတာ၊” ဟု ဆိပ်ဖြူ ပြောက်ကျား တကိုယ်တော် ကျားဇိုးက ပြောကြား သည်။
