0
0
တောင်ငူရှိ တပခ ဌာနချုပ်ကို ရှော့တိုက်ဒုံးဖြင့် တိုက်ခိုက်မှု စစ်အရာရှိ ၄ ဦးအပါအဝင် ၁၂ ဦးသေဆုံး ပြီး ကား ၃ စီးမီးလောင် (ရုပ်သံ)
သံလွင်မြန်မာသတင်း
ဒီဇင်ဘာလ ၂၂
ပဲခူးတိုင်း၊ တောင်ငူမြို့အခြေစိုက် အကြမ်းဖက်စစ်ကောင်စီ၏ တပခ ဌာနချုပ်ကို ရှော့တိုက်ဒုံးများ ဖြင့် ပစ်ခတ်တိုက်ခိုက်ခဲ့ရာ အရာရှိ ၄ ဦးအပါအဝင် ၁၂ ဦးသေဆုံးပြီး ကား ၃ စီးလောင်ကာ အ ဆောက်အအုံ ၂ လုံးပြိုကျပျက်စီးခဲ့ကြောင်း Brave Warriors for Myanmar (BWM) အဖွဲ့ထံက သိရသည်။
ယနေ့ ဒီဇင်ဘာလ ၂၂ ရက် နံနက်အစောပိုင်း ၀၀ နာရီ ၃၅ မိနစ်အချိန်က အကြမ်းဖက် စစ်ရှုံး ကောင် စီ၏ တောင်ပိုင်းတိုင်းစစ်ဌာနချုပ် အတွင်းသို့ ၁၀၇ မမ ရှော့တိုက်ဒုံး ၇လုံး ဖြင့် တိုက်ခိုက်ရာ ၅ လုံးကို အောင်မြင်စွာ ထိရောက်ပေါက်ကွဲခဲ့ပြီး တိုင်းစစ်ဌာနချုပ် ၊ စစ်ဦးစီးဌာန စစ်ဆင်ရေးရုံးခန်းမီးလောင် ကာ စစ်ကောင်စီတပ်သား အရာရှိ ၂ ဦးသေဆုံးခဲ့ကြောင်း သိရသည်။
ထို့အပြင် တောင်ပိုင်းတိုင်း စစ်ဌာနချုပ် စခန်းရုံးကို ထိမှန်မှုအတွင်း စစ်ကောင်စီတပ်သား အရာရှိ ၂ ဦး နှင့် အခြားအဆင့် စစ်သား ၈ ဦး သေဆုံးခဲ့ကြောင်း၊ အရာရှိငယ်နေအိမ် ၂ လုံးလည်း ပြိုကျပျက်စီး ခဲ့ပြီး လိုင်းခန့်းနေသူအချို့ သေဆုံးမှုရှိကြောင်း သိရသည်။
အလားတူ အကြမ်းဖက်စစ်ကောင်စီတပ်သား အသုံးပြုသည့် အိမ်စီးကား ၂ စီးနှင့် တပ်ဌာနချုပ်သုံး လန်းဂျန်းကား ၁ စီး မီးလောင်ပျက်စီးခဲ့ကြောင်း သိရသည်။
အဆိုပါ တိုက်ခိုက်မှုကို Brave Warriors for Myanmar (BWM) အဖွဲ့၏ ဦးဆောင်စီမံမှုဖြင့် Mountain Knight Civilian Defense Forces (MKCDF) အဖွဲ့၊ (Anti-Coup People’s Liberation Force – ACPLF) နှင့် သံတောင်မြောက်ပိုင်း အထူးဒေသအဖွဲ့တို့ ပူးပေါင်းကာ BWM ၏ Mission 27 အဖြစ် လုပ်ဆောင်ခဲ့ခြင်းဖြစ်ပြီး ယင်းမစ်ရှင်အောင်မြင်ရေးအတွက် ဗိဿနိုး (တောင်တွင်းကြီး) အဖွဲ့ ကလည်း တဖက်လမ်းမှ ပါဝင်ကူညီအားဖြည့်ခဲ့ကြောင်း သိရသည်။
Thanlwin Myanmar Media
