0
0
စစ်အာဏာသိမ်းမှုကြောင့် ပြည့်တန်ဆာ ဖြစ်လာကြရတဲ့ မြန်မာ့အမျိုးသမီးကောင်းများ
သံလွင်မြန်မာသတင်းဌာန
ဒီဇင်ဘာလ ၁၇
“ ဒီလမ်းကိုရွေးချယ်ဖို့ အင်မတန်ခက်ခဲပါတယ်။ဒါပေမယ့် ဆရာဝန်ဖြစ်ဖို့နှစ်ပေါင်းများစွာ ပညာတွေ ဆည်းပူးခဲ့တဲ့ ကျွန်မဟာ အခုတော့စားဝတ်နေရေးအဆင်ပြေဖို့ ဒီအလုပ်ကိုလုပ်နေရပါပြီ။” လို့ မြန်မာ နိုင်ငံရဲ့ဒုတိယအကြီးဆုံးမြို့တော်ဖြစ်တဲ့ မန္တလေးမှာ ပြည့်တန်ဆာအဖြစ် တစ်နှစ် ကျော်လုပ်ကိုင်နေခဲ့တဲ့ အသက်၂၆ နှစ်အရွယ် မေက ရင်ဖွင့်ပါတယ်။
မြန်မာနိုင်ငံမှာ စစ်အာဏာသိမ်းမှုကြောင့် ဆရာဝန်များနှင့် သူနာပြုများကိုပါ ပြည့်တန်ဆာဘဝသိူ့ ပြောင်းလဲစေခဲ့ပါတယ်။
လေးနှစ်နီးပါး အကြိတ်အနယ် ဖြစ်နေတဲ့ ပြည်တွင်းစစ်မှာ စီးပွားရေးက ပြိုပျက်နေပြီး လူတွေ (ဘွဲ့ဒီဂရီ ရှိတဲ့ ပညာရှင်တွေတောင်) သေခန်းရှင်ခန်း အခြေအနေ ဆိုက်ရောက်နေပါတယ်။
မြန်မာနိုင်ငံမှာ ၇ နှစ်ကြာ ဆေးကျောင်းတက်ပြီးနောက် မေ(အစားထိုးနာမည်)၏ ဆရာဝန်ဖြစ်ရန်ဆိုတဲ့ ရည်မှန်းချက် အောင်မြင်ခဲ့ပါြပီ။ ဒါပေမယ့် ဘွဲ့ရပြီး တစ်လအကြာမှာတော့ သူမရဲ့ အိပ်မက်တွေ ပြိုလဲ ပျက်စီး သွားပါတော့တယ်။
၂၀၂၁ ခုနှစ် ဖေဖော်ဝါရီလမှာ မြန်မာစစ်တပ်က အာဏာသိမ်းလိုက်တော့ ကပ်ရောဂါဒဏ်ခံခဲ့ရတဲ့ နိုင် ငံ့စီးပွားရေးဟာ စတင်ထိုးကျသွားပါတော့တယ် ။
စျေးနှုန်းတွေ မြင့်တက်လာပြီး တစ်လလျှင် 415 ဒေါ်လာနဲ့ ညီမျှတဲ့ မေ ရဲ့ လစာငွေဟာ အသုံးမခံ တော့ပဲ လေထဲပျောက်ကွယ်သွားသလိုပါပဲ ။ ဖခင် ဖြစ်သူမှာ ကျောက်ကပ်ရောဂါ ခံစားနေရတာ ကြောင့် သူမဟာ ပို၍ပို၍ စိတ်ပျက်အားငယ်လာပါတော့ တယ် ။
အဲဒီနောက်တော့ သူမဝင်ငွေထက် ငွေ နှစ်ဆရှာနိုင်တဲ့ အပျော်မယ်ကောင်မလေးတွေနဲ့ အမှတ်မထင် တွေ့ရှိခဲ့ပါတယ်။ ယောက်ျားတွေနဲ့လိမ်ဆက်ဆံရတာ ပါဝင်နေတာတောင်မှ ငွေရဲ့ဆွဲဆောင်မှုဒဏ်ကို မခံနိုင်ခဲ့ပါဘူး
“ ဒီလမ်းကိုရွေးချယ်ဖို့ အင်မတန်ခက်ခဲပါတယ်။ဒါပေမယ့် ဆရာဝန်ဖြစ်ဖို့နှစ်ပေါင်းများစွာ ပညာတွေ ဆည်းပူးခဲ့တဲ့ ကျွန်မဟာ အခုတော့စားဝတ်နေရေးအဆင်ပြေဖို့ ဒီအလုပ်ကိုလုပ်နေရပါပြီ။” လို့ မြန်မာ နိုင်ငံရဲ့ဒုတိယအကြီးဆုံးမြို့တော်ဖြစ်တဲ့ မန္တလေးမှာ ပြည့်တန်ဆာအဖြစ် တစ်နှစ် ကျော်လုပ်ကိုင်နေခဲ့တဲ့ အသက်၂၆ နှစ်အရွယ် မေက ရင်ဖွင့်ပါတယ်။
အခုဆောင်းပါးကိုရေးဖို့ ရင်ဖွင့်ခဲ့ကြတဲ့ အခြားမိန်းကလေးတွေလိုပဲ သူမလည်း နာမည် အရင်းကို မဖော် ပြဖို့ တောင်း ဆိုခဲ့ပါတယ်။
ဘာလိုလဲဆိုတော့ သူမ ငွေ ဘယ်လိုရှာနေတယ် ဆိုတာ သူမ မိဘတွေ မသိတဲ့အပြင် မြန်မာနိုင်ငံမှာ ပြည့်တန်ဆာလုပ်ငန်းက တရားမဝင်ဖြစ်နေလို့ပါ။
အာဏာသိမ်းခြင်းနဲ့ နောက်ဆက် တွဲ ပြည်တွင်းစစ်ဟာ မြန်မာ့စီးပွားရေးကို ပြိုလဲစေခဲ့ပါတယ်။ ဒီ နှစ် ထဲမှာတော့ စက်ရုံတွေလျှပ်စစ်မီးပြတ်တောက်မှု သီးနှံစိုက်ခင်းများ ရေကြီးရေလျှံမှု ပြီးတော့ တရုတ်နဲ့ ထိုင်း သည်နယ်စပ်ဂိတ်နားမှာ တိုက်ပွဲတွေဖြစ်ပွားမှုကြောင့် ကုန်စျေးနှုန်းက ၂၆ ရာခိုင်နှုန်း ထိ ထိုးတက် သွားပါတယ်။
နောက်ပြီးတော့ မြန်မာကျပ်ငွေက အမေရိကန်ဒေါ်လာနဲ့ယှဉ်ရင် သူ့ရဲ့တန်ဖိုး ငါးပုံနှစ်ပုံထိ ထိုးကျသွားပါ တယ်။ ကမ္ဘာ့ဘဏ်ရဲ့အဆိုအရ မြန်မာ့လူဦးရေရဲ့ ထက်ဝက်လောက်ဟာ ဆင်းရဲမွဲတေမှုကြားမှာ ရုန်းကန် လှုပ် ရှားနေကြရပါတယ်။
ဒီကပ်ဆိုးက မြန်မာမိန်းကလေးတွေကို ပြည့်တန်ဆာလုပ်ငန်း ဆီ တွန်းပို့ပေးပါတယ်။ အဲဒီထဲမှာ ဆရာ ဝန်တွေဆရာမတွေ သူနာပြုတွေနဲ့ အခြား ပညာတတ်ဘွဲ့ရတွေ ပါဝင်ပါတယ်။
အခုလို လုပ်ကိုင် လာတဲ့ အမျိုးသမီးတွေ ဘယ်လောက်များများ ရှိမယ်ဆိုတာ မသိနိုင်ပေမယ့် ဒီလမ်း ကြောင်းပေါ်ရောက်လာတဲ့ လူဦးရေဟာ သိသိသာသာ များပြားလာတယ်ဆိုတာတော့ ထင်ရှားပါတယ်။
ပြည့်တန်ဆာ ဘက်ပြောင်းလာတဲ့ ပညာတတ်အမျိုး သမီးလေးယောက်နဲ့ လူအခွင့်အရေးလှုပ်ရှားသူနှစ် ယောက်တို့ပါဝင်တဲ့ အင်တာဗျူးမှာတော့ ဘွဲ့ရ အမျိုးသမီးတွေဟာ စားဝတ်နေရေးအဆင်ပြေဖို့ ပြည့် တန်ဆာလုပ်ငန်း ဘက် ကူး ပြောင်းလာတာ များလာတယ်လို့ဆိုပါတယ်။
အာဏာသိမ်းစအချိန်က အမျိုးသမီးတွေဟာ ရှေ့ကနေ မားမား မတ်မတ် ဆန္ဒပြခဲ့ကြပါတယ်။
သူတို့ဟာ စစ်သားတွေကို ဘုန်းတန်ခိုးနိမ့်ကျသွားစေဖို့ ရည်ရွယ်ပြီး သူတို့ထမိန်တွေကို ကိုင်မ ပြခဲ့ကြပါ တယ်။ မြန်မာနိုင်ငံမှာ ကြီးကြီးမားမား အမြစ်တွယ် နေတဲ့ ယောက်ျားကြီးစိုးမှုဝါဒကို ရိုက်ချိုးချင်တဲ့ဆန္ဒ သူတို့ရင်ထဲမှာ ကိန်းအောင်းနေခဲ့ပါတယ်။
ဒါပေမယ့် စစ်အာဏာရှင်ကနေ ဆယ်စုနှစ် များစွာကြာ အောင် မတရားအစော်ကား ခံခဲ့ရတဲ့ အမျိုးသမီး တွေဟာ ခုတော့ မြင့်တက်လာတဲ့ ပြည်တန်ဆာလုပ်ငန်းက သူတို့ရဲ့ဂုဏ်သိက္ခာကို ထပ်မံရိုက်ချိုးခံလိုက် ရပြန်ပါတယ်။
ဒီ ဝမ်းနည်း ဖွယ် အချင်းအရာက မြင်ရသလောက်တော့ အဆုံးသတ်ဖွယ်မရှိသေးပါဘူး။
စစ်အစိုးရက တော်လှန်ရေးတပ်တွေဆီ နယ်မြေတွေဆုံးရှုံးနေပေမယ့် ဆောင်ကြာမြိုင် ကာရာအိုကေ ဘား နိုက်ကလပ် နှင့် ဟိုတယ်တွေမှာ အပျော်မယ်တွေ ကြီးထွားလာနေတဲ့ မြန်မာနိုင်ငံရဲ့ မြို့တွေအ တော်များများကို ထိန်းချုပ်ထားဆဲဖြစ်ပါတယ်။
မဇာဟာ မန္တလေးက ကိုယ်ပိုင် ဆေးရုံ မှာ သူနာပြုတစ်ယောက် လုပ်ခဲ့ပါတယ် ဒါပေမဲ့ အဲဒီဆေးရုံက ဆရာဝန်တွေက ဆန္ဒပြမှုမှာ ပါတယ်ဆိုပြီး စစ်အစိုးရက ဆေးရုံကို ချိတ်ပိတ်လိုက်ပါတယ်။
အဲဒီနောက်တော့ သူမရဲ့သူငယ်ချင်းတစ်ယောက်က ငွေရမယ့် နည်းလမ်းတစ်ခုကို ပြောပြလာပါတယ်။
ယောက်ျားလေးတစ်ယောက်နဲ့ ချိန်တွေ့ရုံပဲလို့ သူမကဆိုပါတယ်။ အသက်၂၅ နှစ်အရွယ် မဇာဟာ ချိန်း တွေ့တဲ့အချိန် ဘာလုပ်ရမလဲဆိုတာကို သိရှိဖို့ အပြာစာအုပ်တွေ အပြာကားတွေ ဖတ်ခဲ့ကြည့်ခဲ့ရတယ် လို့ဆိုပါတယ်။
သူမရဲ့ပြောပြချက်အရ သူမ ပထမဆုံးတွေ့ရတဲ့ဖောက်သည်ဟာ အသက်၄၀ ဝန်းကျင် တရုတ်လူကြီး တစ်ယောက်ဖြစ်ပြီး ဗမာစကားနည်းနည်း ပြောတတ်ကာ အင်္ဂလိပ်စကားလုံးဝ မပြောတတ်ပါဘူး။
တစ်ခါမှာတော့ အဲဒီတရုတ် လူက အကာအကွယ်မပါဘဲ လိမ် ဆက်ဆံ ဖို့ကြိုးစားတာကြောင့် သူမအနေ နဲ့ အတင်းအကြပ် ငြင်းပယ်ရပါတယ်။
“မိနစ်၂ဝလောက်ပဲကြာပေမယ့် ကျမအတွက်တော့ ကမ္ဘာတစ်သိန်းလောက် ကြာတယ် လို့ခံစား ရပါ တယ် တကယ်ကိုငရဲခန်း ပါပဲ” ဆိုပြီးသူမကပြောပြပါတယ်။
နောက်မကြာမီအင်္ဂါနေ့မှာတော့ နာမည် လိပ်စာ တွေ့ရမယ့် အချိန် စတဲ့ အသေးစိတ်ဖော်ပြထားတဲ့ မက်ဆေ့ တစ်ခု telegram မှာရောက်လာပါ တယ်။
သူမဟာ ပန်းရောင် ဝတ်စုံကို ဆင်မြန်းလိုက်ပြီး သူမအိတ်ထဲမှာ ကွန်ဒုံး ရှိမရှိ စစ်ဆေးလိုက်ပါတယ် အဲဒီ ညက အရင်လက သူမလစာနဲ့ညီမျှတဲ့ ဒေါ်လာရှစ်ဆယ် ရှာဖွေနိုင်ခဲ့ပါတယ်။
“တကယ်တော့ ဒီအလုပ်ကိုလုပ်ရတာ ရှက်မိပါတယ် လိုအပ်လို့သာ လုပ်နေရတာပါ စိတ်ပါလို့မဟုတ်ပါ ဘူး”ဆိုပြီး သူမက ပြောပါတယ်။
ခုလို လောကဓံ တရားက လိင်ပိုင်းဆိုင်ရာ စွန့်စား လုပ် ကိုင်ဖို့ မိန်းမပျိုတွေကို ဖိအားပေးနေပါတယ်။ စစ် တပ်က ဖမ်းဆီးခံရသူတွေဟာလည်း သူတို့ကျိန်းသေပေါက်လွတ်မြောက်ဖို့ လိင်ပိုင်းဆိုင်ရာ လိုက်လျောရ မှု တွေ ရှိနေပါတယ်။
လူဦးရေ ၅၅ သန်းလောက်ရှိတဲ့ မြန်မာနိုင်ငံဟာ စစ်တပ်အုပ်စိုးမှု ရှည်လျားတဲ့သမိုင်းကြောင်းရှိနေပါ တယ်။ ဒါပေမယ့် အရပ်သား အစိုးရတက် လာပြီး ၂၀၁၁ ကစလို့ လူလတ်တန်းစာမိသားစုတွေ စတင် တိုးတက်လာပါတယ် အခုတော့ ကုလသမဂ္ဂရဲ့အစီရင်ခံ စာအရ ၅၀ ရာနှုန်းသော လူလတ်တန်းစားတွေ ဟာပျောက်ကွယ်သွားပါတယ်။
ဆရာဝန်တစ်ယောက်ဖြစ်တဲ့ မန္တလေးက ဆုဟာ အဲဒီ လူလတ် တန်းစားထဲကဖြစ်ပါတယ်။
သူမဟာ စင်္ကာပူ၊ အိန္ဒိယ နီပေါ နိုင်ငံတွေဆီ အလည် အပတ်သွားပြီး သူငယ်ချင်းတွေနဲ့ ခမ်းခမ်းနားနား ရှိတဲ့ စားသောက်ဆိုင်တွေမှာ ပျော်ပျော်ပါးပါး စားသောက်ဖို့ စိတ်ကူးယဉ်ခဲ့ပါတယ်။
ဒါပေမဲ့ အာဏာသိမ်းပြီးနောက်မှာ ကုန်စျေးနှုန်းတွေက သုံး ဆလောက် မြင့်တက်သွားပြီး စုထားသမျှ အကုန်ပြောင်သွားပါတယ်။
သူမရဲ့ နေ့စဉ် ဒုက္ခတွေဟာ မြန်မာမှာတော့ လူတိုင်းကြုံနေကျပါပဲ။ စားနေကျ ထမင်းတနပ်ဟာ အရင် ကထက် ရာခိုင်နှုန်း ၁၆၀ လောက်ထိ မြင့်တက်သွားကြောင်း နိုင်ငံတကာအစားအသောက်ပေါ်လစီ သု တေသနအဖွဲ့အစည်းက ထုတ်ပြန်ထားပါတယ်။
၂၀၂၃ မှာတော့ ၂၈ နှစ်ရှိပြီဖြစ်တဲ့ ဆုဟာ သူမရဲ့ကိုယ်လုံးတီးပုံတွေကို ဖောက်သည်တွေနဲ့ချိတ်ဆက်ပေး တဲ့ အမျိုးသမီးတစ်ယောက်ဆီ ရောင်းချဖို့ ဆုံးဖြတ်လိုက်ရပါတယ်။ ဖောက်သည်တွေနဲ့ချိန်းတွေ့ဖို့ သူမ သွားတဲ့အခါတိုင်း မိဘတွေဟာ ဆေးရုံမှာ ညဆိုင်းလုပ်နေတယ်လို့ ထင်ကြပါတယ်။
“ ကျမက ကလေး အထူးကုဆရာဝန် ဖြစ်ချင်ပြီးတော့ကလေးတွေကို ကူညီချင်ပေမယ့် အာဏာသိမ်းမှုနဲ့ မိသားစုစီးပွားရေးအခြေနေတွေက ကျမကို ရွေးချယ်ခွင့် မပေးခဲ့ပါဘူး။ အခုလိုဘဝက ကျွန်မမျှော်လင့် ထားတဲ့ ပုံစံနဲ့ တခြားစီပါပဲ” လို့ သူမကရင်ဖွင့်ပါတယ်။
မိန်းမပျိုတွေဟာ စီးပွားရေး လောကဓံရဲ့ ကြီးမားတဲ့ ရိုက်ချက်တွေကို ခံစားကြရပါတယ်။
ယောက်ျားလေးတွေနဲ့ယှဥ်ရင် မိန်းကလေးတွေဟာ ဝင်ငွေနည်းပါးကြတာကို တွေ့ရပါတယ်။
ပြီးတော့ မိန်းမပျိုတွေအတွက် အလုပ်ရရှိမှု အခွင့်အလမ်းကလည်း ရာခိုင်နှုန်းနည်းပါးလွန်းပါတယ်။
အထည်ချုပ်စက်ရုံတွေဟာ တချိန်ကတော့ ကျေးလက်က မိန်းမပျိုတွေအတွက် အသက်သွေးကြောဖြစ် ခဲ့ပြီး ၂၀၂၆ မတိုင်ခင်မှာ အလုပ်သမား ၁ ဒဿမ ၆ သန်းထိ ခန့်အပ်ဖို့ စီစဥ်ထားပြီးသားပါ။
ဒါပေမယ့် ခုတော့ အဲဒီစက်ရုံတွေဟာ အာဏာသိမ်းမှုနောက်မှာ ပိတ်သိမ်းလိုက်ကြပြီး မြန်မာ ကနေ စွန့်ခွာသွားပါတယ်။
အသက် ၂၅ နှစ်အရွယ် ကလေးတယောက် မိခင် မြ ဟာ ၂၀၂၁ ဆန္ဒပြမှုမှာ ယောက်ျားကို စစ်သားတွေ ပစ်သတ်ခံရပြီးနောက်မှာတော့ အထည်ချုပ်စက်ရုံမှာ အလုပ်ရဖို့ ကြိုးစားရှာဖွေခဲ့ပါတယ်။
ဒါပေမယ့် ကံဆိုးစွာပဲ ဘယ်စက်ရုံမှ သူမကို အလုပ်မပေးခဲ့ပါဘူး။ နောက်ဆုံးတော့ ရှိတဲ့ပစ္စည်းထုခွဲ ရောင်းချပြီး စားဝတ်နေရင်းဖြေရှင်းရင်းကနေ အသက် ၃ နှစ်အရွယ် သမီးလေးကို ထောက်ပံ့ဖို့ ပြည့်တန် ဆာဘက် ကူးပြောင်း လာရပါတယ်။
“ပတ်ဝန်းကျင်က ကျမကို ကဲ့ရဲ့ရှုံ့ချကြမှာသိပါတယ် ဒါပေမယ့် လက်ထဲ တပြားတချပ်မရှိပဲ ဆာလောင် မွတ် သိပ်နေရတဲ့အဖြစ်ကို အထူးသဖြင့် ကိုယ့်သားသမီး ငတ်ပြတ်နေတာကို ထိုင်ကြည့်နေရမယ့် အခြေ အနေကို ဘယ်သူမှ နားလည်ကြမှာ မဟုတ်ပါဘူး။ ဒီကနေ ထွက်ပေါက်ရဖို့ တနေ့မပျက် ဆုတောင်းနေ မိပါတယ်”ဆိုပြီး မြ က ပြောပြပါတယ်။
မှတ်ချက်။ ။ ခုဆောင်းပါးရေးသူ Sui Lee Wee ဟာ အာရှတွင်း ၁၁ နိုင်ငံလောက်ကို လေ့လာစောင့် ကြည့်နေတဲ့ သူဖြစ်ပြီး The New Youk Times မဂ္ဂဇင်းရဲ့ အရှေ့တောင်အာရှဆိုင်ရာ အစိုးရအကြီးအကဲ တ ယောက် ဖြစ်ပါတယ်။
The News York Times မှာဖော်ပြထားတဲ့ ဆောင်းပါးကို သခင်ဇော်ကြီးက ဘာသာပြန်ထားခြင်းဖြစ်ပါတယ်။
Thanlwin Myanmar Media
