0
0
ဇီးကုန်းမြို့နယ်တွင် ပေါ်တာဆွဲရန်ထွက်လာတဲ့ထွက်လာတဲ့ စစ်အုပ်စုကို မိုင်းဆွဲတိုက်ခိုက်မှု စစ်သား ၃ ဦး သေဆုံး
သံလွင်မြန်မာသတင်း
ဒီဇင်ဘာလ ၁၂
ပဲခူးတိုင်း၊ ဇီးကုန်းမြို့နယ်တွင် ပေါ်တာဆွဲရန် ထွက်လာတဲ့ အကြမ်းဖက်စစ်အုပ်စုကို မိုင်းဆွဲတိုက် ခိုက်ခဲ့ရာ စစ်သား ၃ ဦးသေဆုံးခဲ့တယ်လို့ သာယာဝတီခရိုင် ပြည်သူ့ကာကွယ်ရေးအဖွဲ့ထံက သိရ ပါတယ်။
မနေ့က ဒီဇင်ဘာလ ၁၁ ရက်နေ့ ဇီကုန်းမြို့နယ်၊ မီးကောက်အုပ်စု၊ ဒိုနွယ်ရွာနေ လူငယ်တွေကို ပေါ် တာဆွဲရန် ဆိုင်ကယ်တွေနဲ့ထွက်လာတဲ့ အကြမ်းဖက်စစ်သား၊ ပျူစောထီးတွေကို ရှေ့ထွက်မိုင်းနဲ့ ဖောက်ခွဲ တိုက်ခိုက်ခဲ့တာပါ။
မိုင်းခွဲတိုက်ခိုက်ပြီးနောက် အပြန်အလှန် ပစ်ခတ်တိုက်ပွဲဆက်ဖြစ်ကာ အကြမ်းဖက်စစ်သား၊ ပျူ ၁ ဦး နေရာမှာပွဲချင်းပြီး သေဆုံးခဲ့ပါတယ်။
ဒါ့အပြင် အပြင်းအထန် ထိခိုက်ဒဏ်ရာရရှိ ၄ ဦးအနက် ဆေးရုံအရောက် ၂ ဦးထပ်မံသေဆုံးကာ ကျန် ၂ ဦးမှာ အပြင်းအထန်ဒဏ်ရာ ဆက်လက်ဆေးကုသနေတယ်လို့ ဆိုပါတယ်။
အဲဒီတိုက်ခိုက်မှုကို တပ်ရင်း ၃၈၀၁ တပ်ခွဲ ၃ နတ်စစ်သည်တပ်ဖွဲ့နဲ့ BTZM GBK PDF ပဲခူးရိုးမ အခြေ ပြုတပ်ဖွဲ့တို့က ပူးပေါင်း လုပ်ဆောင်ခဲ့တာဖြစ်ပါတယ်။
Thanlwin Myanmar Media
