0
0
Read Time:52 Second
ကဗျာကဏ္ဍ “ရှင်ဘုရင် ဓမ္မသတ်”
ပျိုးကြဲလက်
သူဌေးသူကြွယ် ပြည့်ဝမ်းမို့
ရော်ရမ်းလို့ မဖောက်ရာ ။
မူးမတ်ဟာ ပြည့်ဦးကင်း
နှိမ်ခြင်းကင်းကွာ ။
ပြည့်တံခွန် ရဟန်းမှာ
ကျိုးနွံစွာ ဦးခိုက် ။
ပညာရှင် ပြည့်မျက်စိ
ဖောက်ဘိ လူမိုက် ။
ပြည့်အစွယ် မင်းညီမင်းသား
ချိုးမထားနဲ့ မှတ်ပါလေ ။
သားပျိုသမီးပျိုမှာဖြင့်
မျက်နှာလို ပြည့်အသက်ပေမို့
မဖျက်သင့်ပေ ။
ပြည့်ခြေလက် ရဲမက်တွေ
မဖြတ်နဲ့လေ မြှောက်စား ။
မိဖုရား ဖွားစောရယ်က
ရင်မောစွာ တရုတ်ကြောက်မင်းကို
ရှင်းပြလို့ထား ။ ။
ပျိုးကြဲလက်
ကဗျာရေးသားချိန် ၂၀၂၄ ခုနှစ် ၊ ဒီဇင်ဘာလ ၁ ရက် ည ၉ နာရီ ၂၁ မိနစ်
Thanlwin Myanmar Media
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
