0
0
စစ်ကိုင်းတပ်မ ၃၃ မှ ထွက်လာတဲ့ အကြမ်းဖက်စစ်ကားတွေကို မိုင်းဆွဲတိုက်ခိုက်မှု ကား ၁ စီး ပျက် စီး၊ စစ်သား၊ ပျူများက ပြည်သူ့နေအိမ်တစ်လုံးကို မီးရှို့ဖျက်ဆီး
သံလွင်မြန်မာသတင်း
နိုဝင်ဘာလ ၂၈
စစ်ကိုင်းတိုင်း၊ စစ်ကိုင်းမြို့ တပ်မ ၃၃ မှ ထွက်လာတဲ့ အကြမ်းဖက်စစ်ကား စစ်ယာဉ်တန်းကို မိုင်းဆွဲ တိုက်ခိုက်ခဲ့ရာ စစ်ကား ၁ စီးပျက်စီးခဲ့တယ်လို့ Brave Heart Army – BHA ထံက သိရပါတယ်။
နိုဝင်ဘာလ ၂၆ ရက်နေ့က စစ်ကိုင်းမြို့တပ်မ ၃၃ မှ ထွက်လာတဲ့ သံပြားကာ ကား ၅ စီး ကြေးနီသယ် ကား ၄၃ စီးပါ ယာဉ်တန်းကို မုံရွာ -မန္တလေးလမ်းပိုင်း မအူဂိတ်အနီးမှာ ပြည်သူ့ကာကွယ်ရေးတပ်ဖွဲ့ ဝင်တွေက ပဒေသာမိုင်း ၅ လုံးပွိုင့်နဲ့ ရှေ့ဆုံးက ထွက်လာတဲ့ ဂျန်ပါကားကို မိုင်းဆွဲတိုက်ခိုက်ခဲ့တာ ဖြစ်ပါတယ်။
အဲဒီတိုက်ခိုက်မှုကို Golden Target Force – GTF ရဲ ဘော်တွေက ဦးဆောင်ကာ Brave Heart Army-BHA ရဲ ဘော်တွေနဲ့အတူ ပူးပေါင်း တိုက် ခိုက်ခဲ့တာပါ။
ဒါ့အပြင် တောပုပျူစောထီးကျေးရွာအနီးမှာလည်း အဲဒီအကြမ်းဖက်စစ်ယာဉ်တန်းကို ပဒေသာမိုင်း ၅ လုံးနဲ့ ဖောက်ခွဲပစ်ခတ်တိုက်ခိုက်ခဲ့သေးတယ်လို့ သိရပါတယ်။
အဲဒီတိုက်ခိုက်မှုမှာတော့ အကြမ်းဖက်စစ်ကားကို ထိမှန်ပျက်စီးကာ ထိုးရပ်သွားတယ်လို့ ဆိုပါတယ်။
ကားရပ်သွားတဲ့အချိန် လက်နက်ငယ်တွေနဲ့ ပစ်ခတ်တိုက်ခိုက်ခဲ့ရာမှာ အကြမ်းဖက်စစ်သားတွေ နဲ့ အပြန်အလှန် ပစ်ခတ်တိုက်ပွဲဖြစ်ခဲ့တယ်လို့ သိရပါတယ်။
ပြည်သူ့ကာကွယ်ရေးတပ်ဖွဲ့ဝင်တွေ ပြန်လာပြီးတဲ့နောက်မှာ အကြမ်းဖက်စစ်သားတွေက အနီးအနား မှာရှိတဲ့ ပြည်သူ့နေအိမ်တစ်လုံးကို မိးရှို့ဖျက်ဆီးသွားတယ်လို့ Brave Heart Army – BHA ကပြောပါ တယ်။
အဲဒီစစ်ဆင်ရေးကို BRAVE HEART ARMY -BHA ရဲဘော်တွေက ဦးဆောင်ကာ CHINDWIN FIGHTER GROUP-CFG က ရဲဘော်တွေနဲ့ ပူးပေါင်း လုပ်ဆောင်ခဲ့တာဖြစ်ပါတယ်။
Than Lwin Myanmar Media
