0
0
မုံရွာမြို့နယ်၊ မုံရွာ-မန္တလေးလမ်းလမ်းမပေါ်မှာ အကြမ်းဖက်စစ်ယာဉ်တန်းကို မိုင်းဆွဲတိုက်ခိုက်မှု ယာဉ်မောင်းစစ်သား ၁ ဦးသေဆုံးပြီး ကားတစ်စီးပျက်စီး
သံလွင်မြန်မာသတင်း
နိုဝင်ဘာလ ၂၇
စစ်ကိုင်းတိုင်း၊ မုံရွာမြို့နယ်၊ မုံရွာ -မန္တလေးလမ်းမပေါ်မှာ အကြမ်းဖက်စစ်ယာဉ်တန်းကို မိုင်းဆွဲ တိုက်ခိုက်ခဲ့ရာ ယာဉ်မောင်းစစ်သား ၁ ဦးသေဆုံးပြီး ကား ၁ စီးပျက်စီးခဲ့တယ်လို့ မုံရွာခရိုင်ပြည်သူ့ ကာကွယ်ရေး တပ်မတော် – Monywa The Boys ထံက သိရပါတယ်။
မနေ့က (နိုဝင်ဘာလ ၂၆ ရက်) ညနေ ၄ နာရီခွဲက မန္တလေးဘက်ကနေ မုံရွာဘက်သို့ လာတဲ့ အကြမ်း ဖက်စစ်တပ်ယာဉ်တန်းကို မုံရွာမြို့နယ်၊ မုံရွာ-မန္တလေးလမ်းပိုင်းတနေရာမှာ မိုင်းဆွဲ တိုက်ခိုက်ခဲ့တာ ပါ။
အဲဒီတိုက်ခိုက်မှုအတွင်း ယာဉ်မောင်းစစ်သား ၁ ဦးသေဆုံးပြီး ကား ၁ စီးပျက်စီးကာ မိုင်းဆွဲခံရတဲ့ နေရာအနီးမှာပင် ကားရပ်တန့် သွားတယ်လို့ ဆိုပါတယ်။
အဲဒီ မိုင်းစစ်ဆင်ရေးကို မုံရွာခရိုင်ပြည်သူ့ကာကွယ်ရေးတပ်မတော်-Monywa The Boys တပ်ရင်း ၄ ၊ မုံရွာခရိုင် ပြည်သူ့ကာကွယ်ရေးတပ်မတော်တပ်ရင်း ၄ တပ်ခွဲ ၂ – 5/ Commando Force နဲ့ DGF တပ်ဖွဲ့တို့ ပူးပေါင်းကာ လုပ်ဆောင်ခဲ့တာဖြစ်ပါတယ်။
Than Lwin Myanmar Media
