0
0
စစ်ကြောင်းထိုးပြီး မုံရွာမြို့ကို ပြန်လာတဲ့ စစ်သားတွေကို မိုင်းဆွဲ ပစ်ခတ်တိုက်ခိုက်မှု ထိခိုက်သေဆုံး မှုရှိ (ရုပ်သံ)
သံလွင်မြန်မာသတင်း
နိုဝင်ဘာလ ၂၅
စစ်ကိုင်းတိုင်း၊ မုံရွာမြို့နယ်၊ နိဗ္ဗာန်ဝကျေးရွာဘက်ကို စစ်ကြောင်းထိုးပြီး ပြန်လာတဲ့ အကြမ်းဖက် စစ်သားတွေကို ပဒေသာမိုင်းဆွဲပြီး ပစ်ခတ်တိုက်ခိုက်ခဲ့ရာ ထိခိုက် သေဆုံးမှုရှိတယ်လို့ Brave Heart Army- BHA တပ်ဖွဲ့ ထံက သိရပါတယ်။
နိုဝင်ဘာလ ၂၃ ရက် မွန်းလွဲ ၂ နာရီက မုံရွာမြို့နယ်၊ မုံရွာ – ဗောဓိလမ်းလမ်းပိုင်းတနေရာမှာ နိဗ္ဗာန် ဝကျေးရွာဘက်ကို စစ်ကြောင်းထိုးပြီး မုံရွာမြို့အနောက်မြောက်တိုင်းစစ်ဌာနချုပ်ကို ပြန်လာတဲ့ အ ကြမ်းဖက်စစ်သားတွေကို ပဒေသာမိုင်း ၄ လုံး ၂ ပွိုင့်နဲ့ မိုင်းဆွဲတိုက်ခိုက်ပြီး လက်နက်ငယ်တွေနဲ့ ပစ်ခတ်တိုက်ခိုက်ခဲ့တာလို့ သိရပါတယ်။
အဲဒီတိုက်ခိုက်မှုအတွင်း အကြမ်းဖက်စစ်သားတွေက ၄၀ မမ ၊ လက်နက်ငယ်တွေနဲ့ ပြန်လည် ပစ် ခတ်ခဲ့ပေမယ့် ပြည်သူ့ကာကွယ်ရေးတပ်ဖွဲ့ဝင်တွေ အထိအခိုက်မရှိဘူးလို့ သိရပါတယ်။
အကြမ်း ဖက်စစ်သားတွေ ထိခိုက်သေဆုံးမှုကို စုံစမ်းနေဆဲဖြစ်တယ်လို့ Brave Heart Army-BHA တပ်ဖွဲ့က ပြောပါတယ်။
အဲဒီတိုက်ခိုက်မှုကို Brave Heart Army-BHA အဖွဲ့သားတွေ ဦးဆောင်ပြီး Monywa DYNAMITE – STF ရဲဘော်တွေနဲ့အတူ လက်တွဲညီညီတိုက်ခိုက်ခဲ့တာဖြစ်တယ်လို့ သိရပါတယ်။
D Day News
