0
0
ကြို့ပင်ကောက်မြို့နယ်မှာ စစ်တပ်အတွင်းအတင်းအဓမ္မစစ်မှုထမ်းစေခိုင်းဖို့ ပေါ်တာဆွဲဖမ်းဆီးနေ သူ ပျူတစ်ဦး ပစ်ခတ်ခံရပြီးသေဆုံး
သံလွင်မြန်မာသတင်းဌာန
နိုဝင်ဘာလ ၂၄
ပဲခူးတိုင်း၊ ကြို့ပင်ကောက်မြို့မှာ စစ်မှုထမ်းစေခိုင်းဖို့ လူငယ်တွေကို ပေါ်တာဆွဲ ဖမ်းဆီးနေတဲ့ ပျူ တစ်ဦး ပစ်ခတ်ခံရပြီး သေဆုံးသွားတယ်လို့ Dragon Brothers (GBK-PDF) ထံက နေ သိရပါတယ်။
မနေ့က နိုဝင်ဘာလ ၂၃ ရက် မွန်းလွဲ ၂ နာရီ ၁၅ မိနစ်မှာ ကြို့ပင်ကောက်မြို့နယ်၊ ဒေါင်းလူးရွာအနီး မှာ လူငယ်တွေကို ပေါ်တာဆွဲ ဖမ်းဆီးရာ၌ အဓိကပါဝင်ခဲ့သူ ပျူသင်တန်း အပတ်စဉ် ၁ သင်တန်း ဆင်း ထွန်းမင်းစိုးကို Dragon Brothers (GBK-PDF) အဖွဲ့က တော်လှန်ရေး ရဲဘော်တွေက ပစ်ခတ် တိုက်ခိုက်ရာ သေဆုံးသွားတာဖြစ်တယ်လို့ သိရပါတယ်။
သေဆုံးသွားသော ထွန်းမင်းစိုးဟာ အကြမ်းဖက် စစ်တပ်နဲ့ ပူးပေါင်းပြီး ပြည်သူတွေရဲ့ ဆိုင်ကယ်တွေ ကို ဖမ်းဆီးတာ၊ အတင်းအဓမ္မ စစ်မှုထမ်းစေခိုင်း လူငယ်တွေကို ပေါ်တာဆွဲတာတွေကို အဓက လုပ် ဆောင်နေသူဖြစ်တယ်လို့ Dragon Brothers (GBK-PDF) က ပြောပါတယ်။
ဒါ့အပြင် သူတောင်းစားပုံစံ၊ အမှိုက်ကောက်သမားပုံသဏ္ဍာန် အသွင်ယူပြီး လိုက်လံ PDF တပ်ဖွဲ့ တွေရဲ့ သတင်းကို ထောက်လှမ်းကာ အကြမ်းဖက် စစ်ကောင်စီ တပ်သားတွေထံ ပေးပို့ နေသူ လည်းဖြစ်တယ်လို့ ဆက်လက်ပြောဆိုထားပါတယ်။
သံလွင်မြန်မာသတင်းဌာန
