0
0
လက်ပံတန်းမြို့နယ်၊ သာယာကုန်းရဲစခန်းကို ဝင်ရောက် တိုက်ခိုက်မှု စစ်ကောင်စီ တပ်သား ၇ ဦး သေဆုံး
သံလွင်မြန်မာ
နိုဝင်ဘာလ ၂၃
ပဲခူးတိုင်း၊ လက်ပံတန်းမြို့နယ်၊ သာယာကုန်းရဲစခန်းကို ဝင်ရောက် တိုက်ခိုက်ရာ စစ်ကောင်စီ တပ် သား ၇ ဦးသေဆုံးခဲ့တယ်လို့ သာယာဝတီခရိုင် PDF တပ်ဖွဲ့ထံက သိရပါတယ်။
နိုဝင်ဘာလ ၂၂ ရက်နေ့ နံနက် ၅ နာရီခန့်မှာ လက်ပံတန်းမြို့နယ်၊ မှော်အင်းတိုက်နယ်၊ သာယာ ကုန်း ရဲစခန်းကို တော်လှန်ရေး တပ်ဖွဲ့များက စတင်ဝင်ရောက် တိုက်ခိုက်ခဲ့တာပါ။
အဲဒီတိုက်ခိုက်မှုဟာ ၃ နာရီကျော်ကြာမြင့်ခဲ့ပြီးတော့ အကြမ်းဖက် စစ်တပ်ဘက်မှ ရဲ၊ စစ်သားနှင့် ပျူ ၇ ဦး ထက်မနည်း သေဆုံးခဲ့ပြီး ထိခိုက် ဒဏ်ရာရရှိသူများပြားခဲ့တယ်လို့ သိရပါတယ်။
အကြမ်းဖက်စစ်တပ်က လက်နက်ကြီးနဲ့ ပစ်ကူပေးတိုက်ခိုက်ခဲ့တာကြောင့် တော်လှန်ရေးတပ်ဖွဲ့ တွေ ဘက်က ရဲဘော် ၂ ဦး ဒဏ်ရာရရှိခဲ့လို့ ပြန်လည် ဆုတ်ခွာခဲ့ရတယ်လို့ ဆိုပါတယ်။
အဲဒီ တိုက်ခိုက်မှုကို သာယာဝတီဂဠုန်တပ်ဖွဲ့၊ ရွှေတန်းမြေပြည်သူ့ကာကွယ်ရေးတပ်ဖွဲ့၊ တပ်ရင်း ၃၈ဝ၂ – တပ်ခွဲ (၂) ၊ တပ်ခွဲ (၃) နဲ့ တပ်ရင်း ၃၈ဝ၃ တို့ ပူးပေါင်းကာ လုပ်ဆောင်ခဲ့တာဖြစ်ပါတယ်။
D Day News
