0
0
မင်းဘူးမြို့နယ်၊ ရွှေစက်တော်ဘုရားအနီးတပ်စွဲထားသော စစ်တပ်စခန်းကို ဝင်ရောက်တိုက်ခိုက်မှု သေနတ်စတင်ဖောက်ချိန်၌ပင် စစ်သားများအားလုံး စခန်းစွန့်ခွာထွက်ပြေး
D Day News
နိုဝင်ဘာလ ၁၉
မကွေးတိုင်း၊ မင်းဘူးမြို့နယ်၊ ရွှေစက်တော်ဘုရားအနီး ဘုရားရွာတွင် တပ်စွဲထားသော အကြမ်းဖက် စစ်သားများကို ဝင်ရောက်တိုက်ခိုက်ခဲ့ရာ သေနတ် စတင်ပစ်ဖောက်ချိန်ကပင် စစ်သားများအားလုံး စခန်းစွန့်ခွာထွက်ပြေးသွားကြောင်း မင်းဘူးခရိုင် အမှတ် ၆ တပ်ရင်းထံမှ သိရသည်။
နိုဝင်ဘာလ ၁၇ ရက် နံနက် ၃ နာရီအချိန်တွင် မင်းဘူးမြို့နယ်၊ ဗုဒ္ဓဘာသာဝင်များအထွဋ်အမြတ် ထားရာ ရွှေစက်တော်ဘုရားအနီး ဘုရားရွာ၌ တပ်စွဲထားသော အကြမ်းဖက်စစ်ကောင်စီတပ်ဖွဲ့ဝင် များကို တော်လှန်ရေးပူးပေါင်းတပ်ဖွဲ့မှ ဝင်ရောက်တိုက်ခိုက်ခဲ့ရာ ပထမအကြိမ် သေနတ်ပစ်ဖောက် စဉ်ကပင် စစ်ကောင်စီတပ်သားများက ထွက်ပြေးသွားသဖြင့် အချိန်တိုအတွင်း တိုက်ပွဲပြီးမြောက် ခဲ့ကြောင်း သိရသည်။
ယင်းအကြမ်းဖက်စစ်သားများသည် ရွှေစက်တော်ဘုရားအတွင်း သစ်ခိုး ထုတ်ခြင်း ၊ မျိုးတုန်းပျောက် ကွယ်တော့မည့် တိရစ္ဆာန်များ ဖမ်းဆီးရောင်းချနေခြင်း၊ ငွေကြေးကောက်ခံကာ တရာမဝင် ခွင့်ပြုနေ ခြင်းတို့လုပ်ဆောင်နေကြောင်း ပြည်သူလူထုက ပြည်သူ့ကာကွယ်ရေးတပ်ဖွဲ့ထံ တိုင်ကြားလာသဖြင့် သွားရောက် တိုက်ခိုက်ရှင်းလင်းခဲ့ခြင်းဖြစ်ကြောင်း သိရသည်။
အဆိုပါ တိုက်ခိုက်မှုကို မင်းဘူးခရိုင်၊ အမှတ် ၆ တပ်ရင်း၊ မင်းဘူးမြို့နယ် ပြည်သူ့ကာကွယ်ရေးအဖွဲ့ (မင်းဘူးမြို့နယ် ပကဖ) နှင့် ငဖဲမြို့နယ် ပြည်သူ့ကာကွယ်ရေးအဖွဲ့ (ငဖဲမြို့နယ် ပကဖ) တို့ ပူးပေါင်း ကာ တိုက်ခိုက်ခဲ့ခြင်းဖြစ်ကြောင်း သိရသည်။
မင်းဘူးမြို့နယ်အတွင်းရှိ ပြည်သူများအနေဖြင့် စစ်ကောင်စီတပ်၊ ရဲများနှင့် ပျူစောထီး စုဝေးရာ နေရာများ၊ စခန်းများ အနီးသို့ သွားလာခြင်းမပြုပဲ ဝေးရာ နေရာ၌ နေထိုင်ပေးကြရန် မေတ္တာ ရပ် ခံထားသည်။
D Day News
