0
0
ရေဦးမြို့မရဲစခန်းအတွင်း၌ ရဲတစ်ဦးမင်္ဂလာဆောင်ပွဲကျင်းပနေစဉ် ဒရုန်းဖြင့် ဗုံးကြဲတိုက်ခိုက်မှု ရဲ ၄ ဦး သေဆုံး
D Day News
ဧပြီလ ၁၁
စစ်ကိုင်းတိုင်း၊ ရေဦးမြို့ပေါ်ရှိ ရေဦးမြို့မရဲစခန်းအတွင်း၌ ရဲတစ်ဦးမင်္ဂလာဆောင်ပွဲ ကျင်းပနေစဉ် ဒရုန်းဖြင့် ဗုံးကြဲတိုက်ခိုက်ခဲ့ရာ ရဲ ၄ ဦးသေဆုံးသွားကြောင်း ရွှေဘိုခရိုင် အမှတ် ၁၄ တပ်ရင်း ရေဦး PDF တပ်ဖွဲ့ထံမှ သိရသည်။
ဧပြီလ ၉ ရက် နံနက် ၈ နာရီ ၅၅ မိနစ်က ရေဦးမြို့ ရဲစခန်းထဲ၌ ရဲတပ်သား ချစ်မင်းကို နှင့် Non CDM စပယ်ဦးတို့၏ မင်္ဂလာဆောင်ကျင်းပနေစဉ် ရွှေဘိုခရိုင် အမှတ် ၁၄ တပ်ရင်း ရေဦး PDF မှ Fixed Wings Drone ၂ စီးဖြင့် ဗုံးသီး ၃ လုံးကြဲချ တိုက်ခိုက်ခဲ့ရာ ရဲ ၄ ဦးသေဆုံးခဲ့ကြောင်း သိရသည်။
အလားတူ နံနက် ၉ နာရီ ၄၅ မိနစ်ခန့်တွင် ရေဦးမြို့ အောင်မဂ်လာရက်ကွက် မူးကျင်းအဆင်း၌ မူး ယစ်သောက်စားကာ ကြက်တိုက်နေသော အကြမ်းဖက်စစ်သားများနှင့် ပျူစောထီးများကို Fixed Wings Drone ၂ စီးဖြင့် ဗုံးသီး ၂ လုံးကြဲချ တိုက်ခိုက်ခဲ့ရာ ကြက်ဝိုင်းအတွင်းရှိ အကြမ်းဖက်စစ်သား ၃ ဦး အပြင်းအထန်ဒဏ်ရာရရှိခဲ့ကြောင်း သိရသည်။။
ထိုသို့ တိုက်ခိုက်မှုအပြီး အကြမ်းဖက်စစ်သားများမှ လက်နက်ငယ်များဖြင့် ဘေးပတ်ဝန်းကျင်အား ရမ်းသန်းပစ်ခတ်သော်လည်း ပြည်သူ့ကာကွယ်ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ ကြောင်း သိရသည်။
D Day News
