0
0
Read Time:1 Minute, 2 Second
ကဗျာ ကဏ္ဍ “သူရဲကောင်းတို့ နားခိုရာ”
ပျိုးကြဲလက်
လက်နက်ကိုင် အာဏာပြလို့
ပြည်သူ့ဘဝ အခက်ပို ။
နှုတ်ဖျားမှာ ဥပဒေသက်
ပြည်ပျက်ပါ့ဆို ။
ခိုးဆိုးလုယက် အလျှိုလျှို
ဥဒဟို ပေါ်ထွက် ။
ရာဇပလ္လင် ခွေးတက်က
ပြုပြင်ရခက် ။
ပြည်သူတွေ မျက်ရည်ကျလို့
သောကမီး တောက်သလေ ။
ကြည်းရေလေ တပ်တော်တွင်းက
ရောင်းရင်းတို့ရေ ။
တသက်မှ တစ်ခါပေ
ဝန်ကျေပါ သူငယ်ချင်း ။
အမြန်မှန် တခါရရင်
အမိုက်မှောင်ကင်း ။
ရွှေမြေမှာ ပြည်သူများနဲ့
တသားတည်း နေကြည့်ပါ ။
ဂုဏ်ဆည်လျှင် ကိုယ်စီဘဝ
ကိုးဆယ်ဆသာ ။
ပြည်သူ့ရင်ခွင် အရောက်လာ
မော်ကြွားပါ သူငယ်ချင်း ။
အာဏာ့ရှင် အမှောင်ကင်းတယ်
ဝင်းပဘိခြင်း ။ ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ နိုဝင်ဘာလ ၁၁ ရက် ညနေ ၅ နာရီ ၄၇ မိနစ်
D Day News
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
