0
0
နွားထိုးကြီးမြို့မရဲစခန်းအတွင်းမှ လက်နက်ကြီးဖြင့် ရမ်းသမ်းပစ်ခတ်မှုကြောင့် လင်မယားနှစ်ဦး ထိ ခိုက်ပြီး အမျိုးသမီးဖြစ်သူ ပွဲချင်းပြီးသေဆုံး
D Day News
အောက်တိုဘာလ ၂၉
မန္တလေးတိုင်း၊ နွားထိုးကြီးမြို့နယ်၊ နွားထိုးကြီးမြို့မရဲစခန်းအတွင်းမှ စစ်သား၊ ရဲများက လက်နက် ကြီးဖြင့် ရမ်းသမ်းပစ်ခတ်မှုကြောင့် လင်မယားနှစ်ဦးထိမှန်ပြီး အမျိုးသမီးဖြစ်သူ ပွဲချင်းပြီးသေဆုံး သွားကြောင်း ဒေသသတင်းရင်း မြစ်ထံက သိရသည်။
ယမန်နေ့ အောက်တိုဘာလ ၂၈ ရက် ညနေ ၇ နာရီ ၅၀ မိနစ်အချိန်က နွားထိုးကြီးမြို့မရဲစခန်း အတွင်းမှ အကြမ်းဖက်စစ်သား၊ ရဲများက တိုက်ပွဲဖြစ်ပွားခြင်းမရှိပဲ လက်နက်ကြီး ၃ လုံးရမ်းသမ်း ပစ်ခတ်ခဲ့ရာ နွားထိုးကြီးမြို့တောင်ဘက်ရှိ ထနောင်ပင်လဲ့ကျေးရွာ၌ ရှိသော အကြော်ဆိုင်ပေါ်သို့ တည့်တည့် ကျ ရောက်ပေါက်ကွဲပြီး လင်မယား ၂ ဦး လက်နက်ကြီး စ ထိမှန်ဒဏ်ရာရရှိကာ အမျိုး သမီးဖြစ်သူမှာ ပွဲချင်းပြီးသေဆုံးသွားကြောင်း သိရသည်။
“အခုလည်း ရဲစခန်းထဲမှာ သေနတ်တွေ ပစ်ဖောက်နေတယ်။ ညနေက ပစ်တာက လူထိခိုက်မှု မရှိ ဘူး။ ညနေကလည်း သေနတ်တွေပစ်ဖောက်ပြီး လက်နက်ကြီးနဲ့ ရမ်းထုနေတာ။ ဘာတိုက်ပွဲမှ မရှိ ပါဘူး။ အခုည ၇ နာရီ မိနစ် ၅၀ မှာက ပစ်တာက နွားထိုးကြီးတောင်ဘက်အကြော်ဆိုင်တဲပေါ်ကို တည့်တည့်ကျတာ။ လင်မယားနှစ်ယောက်ထိတယ်။ အမျိုးသမီးဖြစ်သူကသေတယ်၊ ယောက်ျားဖြစ် သူကတော့ မသေဘူး။ ဒဏ်ရာရာတော့အပြင်းအထန်ရသွားတယ်” ဟု ဒေသသတင်းရင်းမြစ်က ပြောကြားသည်။
အလားတူ ညနေ ၆ နာရီ ၅၀ မိနစ်အချိန်ကလည်း နွားထိုးကြီးမြို့မရဲစခန်းအတွင်းမှ အကြမ်းဖက် စစ်သား၊ ရဲများက လက်နက်ကြီး ၃ လုံး ရမ်းသမ်းပစ်ခတ်ခဲ့ရာ လက်နက်ကြီးတစ်လုံးမှာ နွားထိုးကြီး မြို့ အမှတ် ၁ ရပ်ကွက်အတွင်း ကျရောက်ပေါက်ကွဲခဲ့ပြီး ကျန် ၂ လုံးမှာ မြို့တောင်ဘက်တွင် ကျ ရောက် ပေါက်ကွဲခဲ့ကြောင်း၊ ယင်းပစ်ခတ်တိုက်ခိုက်မှုအတွင်း ထိခိုက်ဒဏ်ရာရရှိသူမရှိကြောင်း သိရ သည်။
D Day News
