0
0
Read Time:1 Minute, 1 Second
ကဗျာကဏ္ဍ “သီတင်းကျွတ်လရာသီ”
ပျိုးကြဲလက်
သီတင်းဝါ ကျွတ်ရင်ဖြင့်
မိုးလွတ်တဲ့ ရာသီ
အဿဝတီ
နက္ခတ်နှင့်တူရာသီ
ခါတော်မီ တာရာကျီးရယ်နှင့်
မီးထွန်းပွဲ မြိုင်မြိုင် နွှဲကြတယ်လေး ။
ပဝါရဏာပွဲအကျော်
မီးမြင်းမိုရ်ပွဲတော်
ကြာပန်းနော် ရာသီပန်းရယ်က
လှမ်းကြွတုပြိုင်
ချိန်ခွင်ကိုင် ကုန်သည်ရုပ်ဟာဖြင့်
ရာသီရုပ်ပေါ့ သည်ချိန်ခါ
အင်္ဂါကြာသပတေး ရက်ရာဇာနှင့်
တနင်္ဂနွေတနင်္လာက ပြဿဒါး
နဂါးခေါင်းလှည့် အရှေ့ရယ်ပေါ့
နေ့ညဉ့်ခြားက သုံးဆယ်စီ
နာရီအလီလီ အညီအညာကွယ့်
သုံးဖဝါးသာ မွန်းတည့်ဖဝါးကိုလ
မှတ်သားပေါ့ အထွေထွေ
ဘိုးဘွားအမွေ ရေရှည်ကိန်းအောင်
ထိန်းကြကွယ်လေး။ ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ စက်တင်ပါလ ၁၂ ရက် ညနေ ၅ နာရီ ၇ မိနစ်
D Day News
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
