0
0
ရေဦးမြို့ ရွှေကျီးမင်းဂိတ်၊ ရေဦးမြို့ရဲစခန်းနှင့်အောင်သာယာပျူစခန်းကို ဒရုန်းဖြင့် ဗုံးကြဲတိုက်ခိုက်မှု ၂၀ ဦးသေဆုံးဟု ဆို
D Day News
အောက်တိုဘာလ ၁၂
စစ်ကိုင်းတိုင်း ၊ ရေဦးမြို့နယ်ရှိ ရေဦးမြို့အထွက် ရွှေကျီးမင်းဂိတ် ၊ ရေဦးမြို့မရဲစခန်းနှင့် အောင်သာ ယာရွာ ပျူစခန်းတို့ကို ဒရုန်းဖြင့် ဗုံးကြဲတိုက်ခိုက်ခဲ့ရာ အကြမ်းဖက်စစ်သား ၂၀ ဦးသေဆုံးခဲ့ကြောင်း ရွှေဘိုခရိုင် အမှတ် ၁၄ တပ်ရင်း ရေဦး PDF ထံမှ သိရသည်။
စက်တင်ဘာ လ ၂၁ ရက်နေ့ ရွှေကျီးမင်း စကစဂိတ်အား Fixed-Wing Drone များဖြင့် ဗုံးသီး ၆ လုံး ကြဲချတိုက်ခိုက်ခဲ့ရာ စကစ တပ်ကြပ် ၁ဦးအပါအဝင် ၄ ဦး သေဆုံး၍ အများအပြားထိခိုက် ဒဏ်ရာ ရရှိကြောင်း သိရသည်။
အောက်တိုဘာ ၂ ရက်နေ့တွင် ရေဦးမြို့ပေါ်ရှိ အကြမ်းဖက် စစ်သား၊ ရဲများ တပ်စွဲထားရာ ရေဦးမြို့မ ရဲစခန်းကို ဒရုန်းဖြင့် ဗုံးသီး ၆ လုံး ကြဲချ တိုက်ခိုက်ခဲ့ရာ လိုင်းခန်း၂ ဆောင်မီးလောင်ပြာကျပြီး ကျည် သေတ္တာ ၆ ပုံး၊ သေနတ် ၄ လက် မီးလောင်ပျက်စီး၍ အကြမ်းဖက် စစ်သား ၄ ဦး နေရာတွင် ပွဲချင်းပြီး သေဆုံးကာ ၆ ဦး အပြင်းအထန်ဒဏ်ရာရရှိခဲ့ကြောင်း သိရသည်။
အောက်တိုဘာလ ၅ ရက် နေ့တွင် အောင်သာယာပျူရွာအထိုင်စခန်းအား Fixed-Wing Drone များ ဖြင့် ဗုံးသီး ၉ လုံးကြဲချတိုက်ခိုက်ခဲ့ရာ ပျူစောထီး ၈ ဦး သေဆုံးပြီး အများအပြားဒဏ်ရာရရှိခဲ့ကြောင်း သိရသည်။
အောက်တိုဘာ ၁၀ ရက်နေ့တွင် ရေဦးမြို့အထွက်ရှိ ရွှေကျီးမင်း စစ်ဆေးရေးဂိတ်အား Fixed-Wing Dron eများဖြင့် ဗုံးသီး ၄ လုံးကြဲချ တိုက်ခိုက်ခဲ့ရာ ဂိတ်ရှိ အရေးပါသူ ၁ ဦးနှင့် ပျူစောထီး ၃ ဦး သေ ဆုံးခဲ့ပြီး ၃ ဦး အပြင်းအထန်ဒဏ်ရာရရှိကြောင်း သိရသည်။
D Day News
