0
0
ဖြူးမြို့နယ်၊ ညောင်ပင်သာရဲစခန်းနှင့် ရွာမဘုန်းကြီးကျောင်း၌ တပ်စွဲထားသော စစ်သားများကို ဒရုန်းဖြင့် ဗုံးကြဲတိုက်ခိုက်မှု စစ်သား ၆ ဦး သေဆုံးဟုဆို
D Day News
အောက်တိုဘာလ ၁၁
ပဲခူးတိုင်း၊ ဖြူးမြို့နယ်၊ ညောင်ပင်သာရဲစခန်းနှင့် ရွာမဘုန်းကြီးကျောင်း၌ တပ်စွဲထားသော အကြမ်း ဖက်စစ်ကောင်စီတပ်သားများကို ဒရုန်းဖြင့် ဗုံးကြဲတိုက်ခိုက်ခဲ့ရာ စစ်သား ၆ ဦးသေဆုံးခဲ့ကြောင်း ဖြူးမြို့နယ်ပြည်သူ့ကာကွယ်ရေးအဖွဲ့ – ပကဖ ထံမှ သိရသည်။
အောက်တိုဘာလ ၉ ရက် နံနက် အစောပိုင်းက ၁ နာရီ ၄၈ မိနစ်အချိန်တွင် ဖြူးမြို့နယ်၊ ညောင်ပင် သာ ရဲစခန်းနှင့် ရွာမဘုန်းကြီးကျောင်းတွင် တပ်စွဲနေသည့် အကြမ်းဖက် စစ်ကောင်စီ တပ်သားများ ကို တော်လှန်ရေးပူးပေါင်းတပ်ဖွဲ့က ဒရုန်းဖြင့် ဗုံသီး ၁၀ လုံးကြဲချတိုက်ခိုက်ခဲ့ကြောင်း သိရသည်။
ထိုသို့ ဗုံးကြဲတိုက်ခိုက်မှုအတွင်း အကြမ်းဖက်စစ်သား ၆ ဦးသေဆုံးကာ ၂ ဦးအပြင်းအထန်ဒဏ်ရာရရှိ ခဲ့ကြောင်း ဖြူးမြို့နယ်ပြည်သူ့ကာကွယ်ရေးတပ်ဖွဲ့ – ပကဖ က ပြောဆိုထားသည်။
အဆိုပါ တိုက်ခိုက်မှုကို ဖြူးမြို့နယ် ပြည်သူ့ကာကွယ်ရေးတပ်ဖွဲ့ – ဖြူးမြို့နယ်ပကဖနှင့် သာယာဝတီ ခရိုင်ပကဖ ဒရုန်းတပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
