0
0
Read Time:53 Second
ကဗျာ ကဏ္ဍ “ပကတိ အညာ”
ပျိုးကြဲလက်
အညာတမာ ၊ ရနံ့ဖြာ၍
မြို့ရွာမရွေး ၊ သင်းသင်းမွှေး၏ ။
အညာလက်ပံ ၊ ဥဩသံနှင့်
ဆူညံငှက်ကျေး ၊ ဘဝင်အေး၏ ။
အညာထနောင်း ၊ ရာသီပြောင်းစေ
ခညောင်းပါပေ ၊ အေးရိပ်ဝေ၏ ။
ပျော်ခင်းစုံရာ ၊ တို့အညာဝယ်
ဘယာမစဲ ၊ စစ်ဆင်နွှဲလျှက်
ဆိုဆဲသံဆူ ၊ ယမ်းငွေ့အူသည်
သူငါမျက်မှောက် ၊ ဒုက္ခရောက်၏ ။
မီးခိုးပြာပုံ ၊ မှိုင်းမှိုင်းမှုံ၍
ကြုံဆုံခဲ့ရ ၊ လူ့ဘဝလည်း
အလှဘယ်မှာ ၊ မရှိပါတည့် ။
မွေးရပ်အညာ ၊ တို့အညာက
လိမ်ညာအလှ ၊ စာခြယ်သစေ
ပကတိဝယ်၊ အလှကွယ်၍
နေဖွယ်မရှိ ၊ နာကျင်ဘိကွယ်
လာကြည်ပါလှည့် ၊ လာလည်ကွယ့်။ ။
ပျိုးကြဲလက်
ကဗျာရေးသားချိန် = ၂၀၂၃ ခုနှစ်၊ ဖေဖော်ဝါရီလ ၂ ရက် မွန်းလွဲ ၁ နာရီ ၁၈ မိနစ်
D Day News
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
