0
0
ငါန်းဇွန်မြို့နယ်၊ မင်းနေကုန်းရဲစခန်းကို ဒရုန်းဖြင့် ဗုံးကျဲတိုက်ခိုက်မှု စစ်သားများ ထိခိုက်သေဆုံးမှုရှိ
D Day News
အောက်တိုဘာလ ၆
မန္တလေးတိုင်း၊ ငါန်းဇွန်မြို့နယ်၊ မင်းနေကုန်းရဲစခန်းကို ဒရုန်း၊ လက်နက်ကြီးများဖြင့် ဗုံး ကျဲတိုက်ခိုက် ခဲ့ရာ စစ်သား၊ ရဲ ၃ ဦး ဒဏ်ရာ ရရှိခဲ့ကြောင်း ရွှေချိုးဖြူပြည်သူ့ကာကွယ်ရေးတပ်ဖွဲ့ထံမှ သိရသည်။
ယမန်နေ့ အောက်တိုဘာလ ၅ ရက် မွန်းလွဲ ၂ နာရီ ၄၅ မိနစ်အချိန်က ငါန်းဇွန်မြို့နယ်၊ မင်းနေကုန်း ရဲစခန်းကို PDF ပူးပေါင်းတပ်ဖွဲ့များက ဒရုန်းဖြင့် ဗုံးသီး ၁၅ လုံးခန့်၊ လက်နက်ကြီးဖြင့် ၅ လုံးခန့် ဗုံး ကျဲပစ်ခတ်တိုက်ခိုက်ခဲ့ရာ စစ်သား၊ ရဲ ၃ ဦး ဒဏ်ရာရရှိခဲ့ပြီး ထိခိုက်သေဆုံးမှုရှိကာ မီးသင်္ဂြိုလ်နေ သည်ဟု သတင်းရရှိသော် လည်း အရေအတွက် အတိအကျ သိရှိရခြင်းမရှိသေးကြောင်း သိရသည်။
“မနေ့ညက မိုးချုပ်ချိန်မှာ မီးရှိုတာ၊ သေတာကတော့ သေချာတယ်၊ ဘယ်နှစ်ယောက်သေလဲ စုံစမ်း မရတာ။ ဒရုန်းနဲ့ ဗုံးသီး ၁၅ လုံးလောက်နဲ့ လက်နက်ကြီးနဲ့က ၅ လောက်ပစ်ခတ်ခဲ့တယ်။ ဒရုန်းတွေ ကို လက်နက်ငယ်တွေနဲ့ လိုက်ပစ်တာတော့ရှိတယ်။ ကျနော်တို့ရဲဘော်တွေအထိအခိုက်မရှိပါဘူး” ဟု ရွှေချိုးဖြူပြည်သူ့ကာကွယ်ရေးတပ်ဖွဲ့မှ တာဝန်ရှိသူ တစ်ဦးက ပြောကြားသည်။
အဆိုပါ တိုက်ခိုက်မှုကို ရွှေဂျိုးဖြူ-ပြည်သူ့ကာကွယ်ရေးတပ်ဖွဲ့(မြင်းခြံ) ၊ မြင်းခြံခရိုင်တပ်ရင်းအမှတ်-၈ ၊ MGN-Tiger ၊ MGN-35 ၊ နွားထိုးကြီးမြို့နယ်-ပကဖ ၊ ဗိုလ်စားပြောက်ကျားတပ်ဖွဲ့ ၊ ပြည်ချစ်သား ပြောက်ကျားတပ်ဖွဲ့ ၊ ဧရာဝတီမင်းသားပြောက်ကျားတပ်ဖွဲ့ ၊ Myingyan Denger Dynamite ၊ Aung San’s Blood Civilians Defense Force (ABCDF) ၊ မြင်းခြံခရိုင်တပ်ရင်းအမှတ်-၉ နှင့် နောင်ရိုး အထူး ပြောက်ကျားတပ်-NYSGF စသည့် တပ်ဖွဲ့များ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
D Day News
