0
0
တနင်္သာရီမြို့နယ်တွင် စစ်တပ်စစ်ကြောင်းကို ၂ ကြိမ် မိုင်းဆွဲ တိုက်ခိုက်မှု စစ်သား ၅ ဦး သေဆုံး
D Day News
အောက်တိုဘာလ ၄
တနင်္သာရီတိုင်း၊ တနင်္သာရီမြို့နယ်တွင်အကြမ်းဖက်စစ်တပ် စစ်ကြောင်းကို ၂ ကြိမ်မိုင်းဆွဲ တိုက်ခိုက် ခဲ့ရာ စစ်သား ၅ ဦးသေဆုံးခဲ့ကြောင်း မြိတ်မြို့နယ် ပြည်သူ့ကာကွယ်ရေးအဖွဲ့ထံမှ သိရသည်။
အောက်တိုဘာလ ၂ ရက် မွန်းတည့် ၁၂ နာရီခန့်က တနင်္သာရီမြို့နယ်၊ ဘန်းလမွတ်ကျေး ရွာအုပ်စု၊ ညောင်ပင်ကုန်းရွာအနီး တွင် အကြမ်းဖက် စစ်တပ် စစ်ကောင်စီစစ်ကြောင်းကို မိုင်းဆွဲ တိုက်ခိုက်ခဲ့ ရာ စစ်ကောင်စီတပ်သား ၅ ဦး သေဆုံးပြီး အများအပြားထိခိုက်မူရှိကြောင်း သိရသည်။
အလားတူ ညနေ ၄ နာရီ ခန့်တွင် တနင်္သာရီမြို့နယ်၊ ရမ်းဖိုရွာအနီး၌ အကြမ်းဖက် စစ်ကောင်စီတပ် သားများ ကားပေါ်တက်နေစဉ် ကားကို မိုင်းဆွဲတိုက်ခိုက်ခဲ့ရာ အကြမ်းဖက်စစ်သားများ ထိခိုက် သေဆုံး မူရှိပြီးအများ အပြားဒဏ်ရာရရှိခဲ့ကြောင်း သိရှိရသည်။
အဆိုပါ တိုက်ခိုက်မူကို မြိတ်ပြည်သူ့ကာကွယ်ရေးအဖွဲ့နှင့် တနင်္သာရီ ပကဖ ဇုန် ၃ တနင်္သာရီရိုးမ ပြည်သူ့ကာကွယ်ရေးအဖွဲ့ ပူးပေါင်းအဖွဲ့တို့မှ တိုက်ခိုက်ခဲ့ခြင်း ဖြစ်ကြောင်း သိရှိရသည်။
D Day News
