0
0
ဟုမ္မလင်းမြို့နယ်ရှိ စစ်တပ်၊ ပျူပူးပေါင်း စခန်း ၄ ခုကို တိုက်ခိုက်သိမ်းပိုက်မှု လက်နက် ၁၀၀ ကျော် သိမ်းဆည်းရရှိ
D Day News
ဧပြီလ ၈
စစ်ကိုင်းတိုင်း၊ ခန္တီးခရိုင်၊ ဟုမ္မလင်းမြို့နယ်တွင် အကြမ်းဖက်စစ်သား၊ ပျူစောထီး ပူးပေါင်းတပ်စွဲထား သော စခန်း ၄ ခုကို တိုက်ခိုက်သိမ်းပိုက်ခဲ့ရာ လက်နက် ၁၀၀ ကျော် သိမ်းဆည်းရရှိခဲ့ကြောင်း အမှတ် ၁ စစ်ဒေသက ထုတ်ပြန်သည်။
မတ်လ ၃၀ ရက်နေ့က စတင်၍ ဧပြီလ ၇ ရက်နေ့ကအထိ ဟုမ္မလင်းမြို့နယ်၊ အင်ကြင်းမှော်ရွာ၊ မနော်သာရွာနှင့် ကျွန်းကုန်းရွာတွင် ခမရ ၃၆၉၊ ၃၇၀ နှင့် ပျူစောထီး ပူးပေါင်းအင်အား ၃၀၀ ကျော် ဖြင့် အခြေပြုနေသော အကြမ်းဖက်စစ်တပ် စခန်း ၄ ခုကို သိမ်းပိုက်ရရှိခဲ့ခြင်းဖြစ်ကြောင်း သိရသည်။
အဆိုပါ တိုက်ခိုက်မှုကို အထူးလှုပ်ရှား တပ်ရင်း ၄၊ တပ်ရင်း ၈၊ မော်လိုက်ခရိုင် တပ်ရင်း – ၁၊ ခန္တီးခရိုင် တပ်ရင်း – ၁၊ ဖောင်းပြင်မြို့နယ် ပကဖ နှင့် ဟုမ္မလင်းမြို့နယ် ပကဖ တို့ ပူးပေါင်းကာ ၉ ရက်အကြာ တိုက်ခိုက်ခဲ့ရပြီး သိမ်းပိုက်နိုင်ခဲ့ခြင်း ဖြစ်ကြောင်း သိရသည်။
ယင်းစခန်သိမ်းတိုက်ပွဲအတွင်း အကြမ်းဖက်စစ်သားများ အသုံးပြုသော လက်လုပ် သေနတ် အလက် ၂၀ အပါအဝင် လက်နက်ငယ်မျိုးစုံ ၁၃၁ လက်၊ ကျည်မျိုးစုံ ၁၃၀၀၀ ကျော်၊ ရှေ့ထွက်မိုင်း ၂ လုံး၊ ဗုံးသီးမျိုးစုံ ၄ လုံး၊ Drone Gun ၁ လက်၊ Station Jammer ၁ ခု၊ ဓားမျိုးစုံ ၃၀ ချောင်းနှင့် တရုတ် စကားပြောစက် – TSSD ၁၆ လုံးတို့ကို သိမ်းဆည်းရရှိခဲ့ကြောင်း သိရသည်။
D Day News
