0
0
Read Time:1 Minute, 3 Second
ကဗျာ ကဏ္ဍ “ပွဲဖျက်တဲ့မိုး”
ပျိုးကြဲလက်
မုန်တိုင်းခေါ် လေပွေရိုင်းကို
မျှော်တိုင်းမော ဘဝတွေ ။
မိုးသားဆင် ပျော်ရွှင်လှ
မြန်မာ့ရွှေမြေ ။
ပူပြင်းတဲ့ အညာနွေ
မိုးသက်လေ ဆင်ပါမှ ။
အပြုံးတွေ ကိုယ်စီပိုက်တယ်
ပျော်လိုက်ပါစ ။
မိုးသားဆိုင် တိမ်စိုင်ခဲနှင့်
မဲနက်နက် ညို့မှိုင်းပြီ ။
တိမ်ငိုချိန် စိုစိုရွှဲတယ်
ပုလဲမျက်ရည် ။
မိုးစက်တို့ အလီလီ
တိမ်ပန်းချီ ညိုမဲ ။
မြစ်ချောင်းရေ ဆည်ကန်ကျိုးအောင်
တိုးလို့ရွာဆဲ ။
တို့မြေမှာ ဘယာပေါ်လို့
တော်ပါတော့ မိုးမင်းရယ် ။
အိုးအိမ်ရယ် ဘဝပျောက်မှာ
စိုးကြောက်လှတယ် ။
မြန်မာတို့ ဒေသမယ်
ကပ်ဆိုက်တယ် အဖြစ်ဆိုး ။
ရွှေမြေကို အခြေပျက်အောင်
ပွဲဖျက်တဲ့မိုး။ ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ စက်တင်ဘာလ ၂၀ ရက် ည ၈ နာရီ ၃၁ မိနစ်
D Day News
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
