အကြမ်းဖက်စစ်ကောင်စီက ကောက်ယူမည့် သန်းခေါင်စာရင်းတွင် ပါဝင်ကူညီခြင်းမပြုကြရန် မြောက်ဥက္ကလာပမြို့နယ်ပြည်သူ့ကာကွယ်ရေးအဖွဲ့ ထုတ်ပြန်
D Day News
စက်တင်ဘာလ ၂၇
အကြမ်းဖက်စစ်ကောင်စီက ကောက်ယူမည့် သန်းခေါင်စာရင်းတွင် ပါဝင်ကူညီခြင်းမပြုကြရန်နှင့် မလွဲမရှောင်သာဖြေဆိုရမည်ဆိုပါက အချက်အလက်အမှားများသာ ပေးကြရန် မြောက်ဥက္ကလာပမြို့ နယ်ပြည်သူ့ကာကွယ်ရေးတပ်ဖွဲ့က ထုတ်ပြန်ထားသည်။
ရန်ကုန်တိုင်း၊ မြောက်ဥက္ကလာမြို့နယ်အတွင်းရှိ မိဘပြည်သူများ အနေဖြင့် အကြမ်းဖက်စစ်ကောင်စီ ၏ သန်းခေါင်စာရင်းကောက်ယူနေမှုများအား ပါဝင် မှုမပြုကျပါရန်နှင့် မဖြစ်မနေပေးရမည်ဆိုပါက အချက်အလက်များလွဲမှားစွာဖြေဆိုခြင်း ၊ အချက်အလက်အမှားများသာပေးကြပါရန် မေတ္တာရပ်ခံ ထားသည်။
ထို့အပြင် အတင်း အကျပ်လုပ်ဆောင်ခိုင်းသော အုပ်ချူပ်ရေးမှူး၊ ရာအိမ်မှူး ၊ ဆယ်အိမ်မှူးများ ၏နာမည်နှင့်လိပ်စာ ရပ်ကွက်တို့ကို ပေးပို့ကြပါရန်နှင့် ထိုသို့ ပေးပို့ရာတွင် အတင်းအကြပ် စေခိုင်းသူ များ၏ ဓာတ်ပုံပါ ရရှိပါက ပိုမိုကောင်းမွန်ပြီး တယ်လီဂရမ်မှ ပေးပို့နိုင်ကြောင်း ထုတ်ပြန်ထားသည်။
သန်းခေါင်စာရင်းအတွက်ပါဝင်ကျမည့်ငှာနဆိုင်ရာ(လဝက)ဝန်ထမ်းများအနေဖြင့် သန်းခေါင်စာရင်း လုပ် ငန်းနှောင့်နှေးစေရန် ၊ အချက်အလက်များမှားယွင်းစေရန်၊ နည်းမျိူးစုံပြုလုပ်၍ ပြည်သူဘက်က ပါဝင်ပေးကျပါရန် ဆက်လက်မေတ္တာရပ်ခံထားသည်။
အကြမ်းဖက်စစ်တပ်၏သန်းခေါင်စာ ရင်းကောက်ယူမှုတွင် ပြည်သူအားနည်းမျိူးစုံခြိမ်း ခြောက် အကြမ်းဖက်သူ မည်သူမဆို ယခုတော်လှန်ရေး ကာလအတွင်းနှင့် တော်လှန်ရေးအလွန် ကာလ များတွင် ယခုအပြစ်အတွက်ပေးဆပ်ရမည်ဖြစ်ကြောင်း မြောက်ဥက္ကလာပမြို့နယ် ပြည်သူ့ ကာ ကွယ်ရေး တပ်ဖွဲ့က ထုပ်ပြန်ပြောဆိုထားသည်။
D Day News