0
0
ကြို့ပင်ကောက်မြို့နယ်၊ ကြို့ပင်စခန်းအုပ်စု ရာအိမ်မှူး တစ်ဦး ပစ်ခတ်ခံရပြီးသေဆုံး၊ လေသေနတ် တစ်လက် သိမ်းဆည်းရရှိ
D Day News
စက်တင်ဘာလ ၂၅
ပဲခူးတိုင်း ၊ သာယာဝတီခရိုင် ၊ကြို့ပင်ကောက်မြို့နယ် ကြို့ပင်စခန်း အုပ်စု ရာအိမ်မှူး သိန်းဦးကို ပစ် ခတ်ရှင်းလင်းခဲ့ရာ သေဆုံးသွားပြီး လေသေနတ်တစ်လက် သိမ်းဆည်းရရှိခဲ့ကြောင်း သာယာဝတီ ခရိုင်ပြည်သူ့ကာကွယ်ရေးတပ်ဖွဲ့ထံမှ သိရသည်။
ယမန်နေ့ စက်တင်ဘာလ ၂၄ ရက် ညနေ ၄ နာရီခန့်က ကြို့ပင်ကောက်မြို့နယ်၊ ကြို့ပင်စခန်းအုပ်စု စစ်ကောင်စီခန့် ရာအိမ်မှူး သိန်းဦးကို တော်လှန်ရေးတပ်ဖွဲ့ဝင်များက နေအိမ်အတွင်း ဝင်ရောက် ပစ်ခတ်ရှင်းလင်းခဲ့ရာ သေဆုံးသွားပြီး ၎င်းကိုင်ဆောင်သော လေသေနတ်တစ်လက်ကို သိမ်းဆည်း နိုင်ခဲ့ကြောင်း သိရသည်။
အဆိုပါ ရှင်းလင်းလုပ်ဆောင်မှုကို BTZM GBK PDF ပဲခူးရိုးမအခြေပြုတပ်ဖွဲ့နှင့် တပ်ရင်း ၃၈ဝ၂ ၊ တပ်ခွဲ ၁ Dragon Brothers နှစ်ဖွဲ့ပေါင်းကာလုပ်ဆောင်ခဲ့ခြင်းဖြစ်ကြောင်း သိရသည်။
ရာအိမ်မှူးသိန်းဦး သည် ရပ်ရွာအတွင်း စစ်ကောင်စီ သက်ဆိုးရှည်စေရန်အတွက် တပ်သားသစ်စု ဆောင်းပေးခြင်း ၊ မိဘပြည်သူလူထုအပေါ် အဓမ္မ ငွေကြေးကောက်ခံခြင်းများနှင့် တော်လှန်ရေး တပ်ဖွဲ့ဝင်ရဲဘော်များ၏ သတင်းများကို စစ်ကောင်စီထံ ပေးပို့ခြင်းတို့ လုပ်ဆောင်နေသဖြင့် ရှင်း လင်းခဲ့ရခြင်း ဖြစ်ကြောင်း သာယာဝတီခရိုင် ပြည်သူ့ကာကွယ်ရေးတပ်ဖွဲ့က ထုတ်ပြန်ထားသည်။
D Day News
