0
0
ချောင်းဦးမြို့တွင် ကင်းပတ်နေသည့် စစ်သားများကို မိုင်းဆွဲ တိုက်ခိုက်မှု ၃ ဦး သေဆုံး
D Day News
ဧပြီလ ၆
စစ်ကိုင်းတိုင်း၊ ချောင်းဦးမြို့ ဘောလုံးကွင်း မိန်းလမ်းထိပ်တွင် ကင်းပတ်နေသည့် အကြမ်းဖက် စစ်သားများကို မိုင်းဆွဲတိုက်ခိုက်ရာ အကြမ်းဖက် စစ်သား ၃ ဦး သေဆုံးကြောင်း ချောင်းဦး အခြေစိုက် BLDF အညာ မိုင်းတပ်ခွဲထံမှ သိရသည်။
ဧပြီလ ၅ ရက်နေ့ ညပိုင်းတွင် ချောင်းဦးမြို့ ဘောလုံးကွင်း မိန်းလမ်းထိပ်၌ ကင်းပတ်နေသည့် အကြမ်းဖက် စစ်သားများကို BLDF အညာ မိုင်းတပ်ခွဲက မိုင်းဆွဲ တိုက်ခိုက်ခဲ့ရာ စစ်သား ၃ ဦး သေဆုံးခဲ့ကြောင်း သိရသည်။
“မနေ့ညက မိုင်းဆွဲတိုက်ခိုက်ခဲ့တာ ၃ ဦးသေဆုံးတယ်။ ၁ ဦးကတော့ ဗိုက်ကို ထိမှန်တယ်၊ တစ်ဦး ကတော့ ပေါင်ထိတယ်ဗျ။ ၁ ဦးပွဲချင်းပြီး သေဆုံးတယ်” ဟု ချောင်းဦး အခြေစိုက် BLDF အညာ မိုင်းတပ်ခွဲက တာဝန်ရှိသူက ပြောကြားသည်။
ထို့သို့ မိုင်းဆွဲ တိုက်ခိုက်ခံရမှုကြောင့် အကြမ်းဖက် စစ်သားများက လက်နက်ကြီးများဖြင့် ပြန်လည် ရမ်းသမ်း ပစ်ခတ်ခဲ့ကြောင်း သိရသည်။
အကြမ်းဖက် စစ်တပ်သည် အနောက် မအုပ်ဘော်ဒါဆောင်တွင် တပ်စွဲနေသည်မှာ တစ်ပတ်ကျော် ခန့်ရှိပြီဖြစ်ပြီး ဧပြီလ ၅ ရက်နေ့မှ စတင်ကာ ချောင်းဦးရွှေတောင်ရပ်ကွက်တွင် အင်အားတိုးကာ တပ် စွဲနေကြခြင်းဖြစ်ကြောင်း သိရှိရသည်။
D Day News
