0
0
ပင်းတယမြို့တွင် ဟိုတယ်၊ လဝကရုံး၊ စားသောက်ဆိုင်များအပါအဝင် နေအိမ် ၁၁ လုံးထက်မနည်း ရေနစ်မြှုပ်
D Day News
စက်တင်ဘာလ ၁၃
ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ် မိုးသည်းထန်စွာရွာသွန်း မှုကြောင့် ဟိုတယ်၊ လဝကရုံး၊ စားသောက်ဆိုင်များအပါအဝင် နေအိမ် ၁၁ လုံးထက်မနည်း ရေနစ် မြှုပ်ခဲ့ကြောင်း ဒေသနေပြည်သူများထံမှ သိရသည်။
စက်တင်ဘာလ ၁၁ ရက် နံနက် ၅ နာရီအချိန်မှ စတင်ပြီး မိုးသည်းထန်စွာရွာသွန်းသဖြင့် ပင်းတယ မြို့၊ ကန့်ကော်တောကျောင်းတိုက် ရေထွက်ပေါက်မှ ကျယ်လောင်သော ရေထွက်သံထွက်ပေါ်ကာ ရေများလျှံထွက်လာပြီး ပင်းတယမြို့တွင်းသို့ ရေဝင်ရောက်ခဲ့ရာ ပြည်တော်သာရပ်ကွက် အတွင်းရှိ နေအိမ် ၁၁ လုံးနှင့် ရေဆင်းရာ လမ်းတစ်လျှောက်ရှိ နေအိမ်နှင့် ဟိုတယ် ၊ လဝကရုံး အပါအဝင် စားသောက်ဆိုင် အချို့ ရေဝင်နစ်မြှုပ်ခဲ့ကြောင်း သိရသည်။
“အဲဒီကျောင်း ရေထွက်ပေါက်က ၁၈ နှစ်ကြာမှ တစ်ကြိမ် ရေပြန်ထွက်လာတာ ။ ရေထွက်ပေါက်က ၃ ပေါက်ရှိရင် ၃ ရက်မြှုပ်တယ် ။ အခုက ပင်မရေထွက်ပေါက်နဲ့ ဘေးကရေထွက်ပေါက်ငယ်လေး တွေနဲ့ ဆို ဘယ်အချိန် ရေခမ်းမယ် မသိနိုင်ဘူး ” ဟု ရပ်ကွက်နေ ပြည်သူတစ်ဦးကပြောကြားသည်။
D Day News
