0
0
နောင်ချို၊တောင်ခမ်းရွာတိုက်ပွဲတွင် စစ်ကောင်စီထံမှ သိမ်းပိုက်ရရှိထားသော တင့်ကားများ အသုံးပြု ပြီးတိုက်ခိုက်နေ (ရုပ်သံ)
D Day News
စက်တင်ဘာလ ၄
ရှမ်းပြည်နယ်မြောက်ပိုင်း၊ နောင်ချိုမြို့နယ်တွင် စစ်ကောင်စီထံမှ သိမ်းပိုက်ရရှိသည့် တင့်ကားများ အသုံးပြုကာ တိုက်ခိုက်နေကြောင်း TNLA က ရုပ်သံဖိုင်ဖြင့် ထုတ်ပြန်ထားသည်။
ယခုလစက်တင်ဘာလ ပထမအတွင်း ၁၀၂၇ စစ်ဆင်ရေး အပိုင်း (၂) ကျောက်မဲမြို့နှင့် နောင်ချိုမြို့ နယ်၊ တောင်ရှည် ကျေးရွာအုပ်စု၊ တောင်ခမ်းတပ်စခန်း တိုက်ပွဲမှတ်တမ်းများဟုဆိုကာ ရုပ်သံဖိုင်ဖြင့် ထုတ်ပြန်ထားခြင်းဖြစ်ပြီး ယင်းတိုက်ပွဲများကို TNLA တပ်ဖွဲ့မှ စစ်ဦးစီးမှူး ဒုတိယ ဗိုလ်မှူးကြီး တာမဝေါ နှင့် တပ်မဟာမှူး ၆ ဒုတိယဗိုလ်မှူးကြီး တာမောရှန် တို့ ဦးဆောင်ကာ အကြမ်းဖက်စစ် ကောင်စီ၏ အမြောက်တပ် ၂၀၆ ၊ ၃၅၄ ၊ ၄၀၆ ၊ ၉၀၂ တို့ကို တိုက်ခိုက်နေခြင်းဖြစ်ကြောင်း အသိပေး ထားသည်။
ယင်းတိုက်ပွဲအတွင်း အကြမ်းဖက်စစ်ကောင်စီတပ်သား ရုပ်အလောင်း ၁၃ လောင်းထက်နည်းနှင့် လက်နက်ခဲယမ်းအမြောက်အများကို တွေ့ရှိသိမ်းဆည်းနိုင်ခဲ့ကြောင်း သိရသည်။
ရှမ်းပြည်နယ်တောင်ပိုင်း၊ ရပ်စောက်မြို့နယ်၊ ကျောက်ဂူဘက်မှ နောင်ချိုမြို့နယ်အတွင်းသို့ စစ် အင်အားဖြည့်တင်းရန် အကြမ်းဖက်စစ်ကောင်စီတပ်က ထိုးစစ်ဆင်လာခြင်းဖြစ်ပြီး လေကြောင်း ဖြင့်လည်း လက်နက်ခဲယမ်းများရိက္ခာများချပေးခြင်း၊ ပစ်ကူပေးခြင်းတို့ လုပ်ဆောင်နေကြောင်း TNLA သတင်းနှင့်ပြန်ကြားရေးဌာနက ထုတ်ပြန်ချက်အရ သိရသည်။
