0
0
ကဗျာ ကဏ္ဍ “ပြည့်ခွန်အား”
ပျိုးကြဲလက်
ငယ်ဖော်ရောင်းရင်း ၊ သူငယ်ချင်းရ
မင်းတို့နှင့်ငါ ၊ ကျောင်းတော်သာမှာ
ပညာရည်နို့ ၊ အတူစို့၍
ငါတို့ကိုယ်စီ ၊ တို့တိုင်းပြည်၏
ဇာနည်သားလောင်း ၊ ဆရာကောင်းတို့
သွန်းလောင်းထုဆစ် ၊ ဟိတ်အမြစ်သည်
ချစ်ဖွယ်စွန့်စား ၊ နိုင်ငံ့သားဟု
အများပါးစပ် ၊ ဂုဏ်အင်ထပ်ပြီ
တပ်တော်ထဲကသူငယ်ချင်း ။
ဘဝတကွေ့ ၊ ပြန်ဆုံတွေ့သော်
ဟေ့သူငယ်ချင်း ၊ ငါ့ရောင်းရင်းရ
မင်းကပြည်ချစ် ၊ သားကောင်းဖြစ်ပြီ
ရင်နှစ်သည်းချာ ၊ ရတနာဟု
နေရာမလပ် ၊ အောင်လံထပ်၍
တပ်နှင့်ပြည်သူ ၊ ဖေးမကူသည်
ငါ့လူဂုဏ်ဆန်း ၊ သပြေပန်းနှင့်
ရွှင်လန်း၍ပါတကား ။
လူသူမနီး ၊ တောတောင်ကြီး၌
မိုးသည်းလေထန် ၊ ကြံ့ကြံ့ခံလျှက်
မှန်ရာလည်းရပ် ၊ အသက်အပ်သည့်
တပ်တော်မှဖွား ၊ ပြည့်ချစ်သားဟု
ဝံ့ကြွားလိုက်ပါ ၊ တို့ပြည်သာမှာ
မင်းဟာပြည်သူ ၊ ဖေးမကူသည့်
လူလိုစစ်သား ၊ ပြည့်ခွန်အားကွ ။
ငါ့သူငယ်ချင်း ၊ အမှောင်ခွင်း၍
အလင်းဆောင်ရာ ၊ တို့ပြည်သာမှာ
နောင်လာနောက်သား ၊ မျိုးဆက်များက
အားကိုးယုံကြည် ၊ ကမ္ဘာတည်ထိ
ဇာနည်ထုကို ၊ အချစ်ပိုမည်
စိတ်လိုလိုက်၍ မပျက်နှင့်။
ဟေ့သူငယ်ချင်း ၊ တပ်တော်တွင်းမှ
သက်နှင်းပေးဆပ် ၊ မှန်ရာရပ်သည့်
ထပ်ထပ်ဂုဏ်ထွား ၊ ပြည်သူ့သားကို
ငါကားမှန်းဆ ၊ ဂုဏ်ယူရပြီ
အလေးနီပြုသည် သူငယ်ချင်း။ ။
ပျိုးကြဲလက်
ကဗျာရေးသားချိန် = ၂၀၂၄ ခုနှစ်၊ မတ်လ ၃ ရက် မွန်းလွဲ ၁၂ နာရီ ၅၉ မိနစ်
D Day News
